വിജയകിരീടം സ്വന്തമാക്കാനായി ഇന്ത്യന് ടീം നാളെ കളികളത്തിലിറങ്ങിമ്പോള് ലോകകപ്പ് ഫൈനലില് ടോസ് നിര്ണായകമല്ലെന്ന് ഇന്ത്യന് നായകന് രോഹിത് ശര്മ. പിച്ച് പരിശോധിച്ചപ്പോള് അല്പ്പം സ്ലോ ആണെന്ന് മനസ്സിലായി. അത് പരിഗണിച്ച് കൊണ്ട് മൂന്ന് സ്പിന്നര്മാരെ കളിപ്പിക്കണോയെന്ന് പിന്നീട് തീരുമാനിക്കുമെന്ന് രോഹിത് ശര്മ പറഞ്ഞു. ഫൈനലിനോട് മുന്നോടിയായുള്ള വാര്ത്താസമ്മേളനത്തില് സംസാരിക്കുകയായിരുന്നു താരം.
ടോസ് നിര്ണായകമല്ല. പിച്ചില് ചെറിയ രീതിയില് പുല്ലുണ്ട്. സ്ലോ പിച്ചാണ്. മൂന്ന് സ്പിന്നര്മാരെ കളിപ്പിക്കണോ എന്ന് പിന്നീട് തീരുമാനിക്കും. ലോകകപ്പ് ഫൈനലില് ഓസ്ട്രേലിയക്കുള്ള പരിചയം കാര്യമാക്കുന്നില്ല. സാഹചര്യം എന്ത് തന്നെയാണെങ്കിലും മികച്ച പ്രകടനം പുറത്തെടുക്കാനാണ് ശ്രമിക്കുന്നതെന്നും അദ്ദേഹം പറഞ്ഞു.
തുടക്കത്തില് കളിക്കാന് കഴിയാതിരുന്നത് ഷമിക്ക് ബുദ്ധിമുട്ടായിരുന്നു. അവസരം ലഭിച്ചപ്പോള് അദ്ദേഹം നല്ല പ്രകടനം നടത്തുന്നു. എന്നെ സംബന്ധിച്ച് 50 ഓവര് ലോകകപ്പ് വിജയിക്കുക വലിയ കാര്യമാണ്. ഓസ്ട്രേലിയ ശക്തരാണ് അവരുടെ ബാറ്റര്മാരും ബൗളര്മാരും മികച്ച പ്രകടനം കാഴ്ച്ചവയ്ക്കുന്നു. ഇന്ത്യന് ടീം മികച്ച ആത്മവിശ്വാസത്തിലും ആവേശത്തിലുമാണെന്നും രോഹിത് പറഞ്ഞു.നാളെയാണ് ഏവരും കാത്തിരുന്ന ക്രിക്കറ്റ് ലോകകപ്പ് ഫൈനല്. ക്രിക്കറ്റ് ഗ്രൗണ്ടായ അഹ്മദാബാദ് നരേന്ദ്ര മോദി സ്റ്റേഡിയത്തില് നാളെ ഉച്ചകഴിഞ്ഞ് 2 മണി മുതലാണ് തുല്യ ശക്തരായ ഇന്ത്യയും ഓസ്ട്രേലിയയുടെയും കലാശ പോരാട്ടം.
