മകരമഞ്ഞ്, കമ്മത്ത് ആന്ഡ് കമ്മത്ത്, കോ തുടങ്ങിയ സിനിമകളിലൂടെ പ്രേക്ഷകര്ക്ക് പരിചിതയായി മാറിയ കാര്ത്തികയുടെ വിവാഹമായിരുന്നു കഴിഞ്ഞ ദിവസം. അമ്മയും അച്ഛനുമെല്ലാം മകളുടെ വിവാഹം കെങ്കേമമായി കൊണ്ടാടുകയായിരുന്നു.
പഴയകാല നായികയായ രാധ മകള് കാര്ത്തികയുടെ വിവാഹത്തിന് സഹപ്രവര്ത്തകരെയെല്ലാം ക്ഷണിച്ചിരുന്നു. നാളുകള്ക്ക് ശേഷം ഒന്നിച്ച് കാണാനും ഒത്തുചേരാനും കിട്ടുന്ന അവസരം താരങ്ങളെല്ലാം ശരിക്കും ഉപയോഗിക്കുകയും ചെയ്തു.
പൂര്ണിമ ഭാഗ്യരാജ്, മേനക, പാര്വതി ജയറാം, രേവതി, സുഹാസിനി, മഞ്ജുപിള്ള, ചിപ്പി, ജലജ തുടങ്ങി മലയാളികളുടെ പ്രിയനായികമാരെല്ലാം ചടങ്ങില് പങ്കെടുത്തിരുന്നു. കാളിദാസിന്റെയല്ല, മാളവികയുടെ വിവാഹമാണ് അടുത്തതായി നടത്തുന്നതെന്നായിരുന്നു പാര്വതി പ്രതികരിച്ചത്.
കാര്ത്തികയുടെയും രോഹിത്തിന്റെയും വിവാഹം ഞങ്ങള് ശരിക്കും ആഘോഷമാക്കി. എല്ലാവരെയും കാണാനുള്ളൊരു അവസരം കൂടിയായിരുന്നു ഈ ചടങ്ങ്. നവദമ്പതികള്ക്ക് എല്ലാവിധ ആശംസകളും എന്നായിരുന്നു പൂര്ണിമ കുറിച്ചത്.
കാര്ത്തികയുടെ വിവാഹചിത്രങ്ങള് പുറത്തുവന്നപ്പോള് മുതല് സോഷ്യല്മീഡിയയില് ചര്ച്ചകള് സജീവമായിരുന്നു. നിറയെ സ്വര്ണ്ണാഭരണങ്ങള് അണിഞ്ഞായിരുന്നു കാര്ത്തിക എത്തിയത്.
മകള് സുമംഗലി ആയതിന്റെ സന്തോഷം രാധയും ആഘോഷിക്കുന്നുണ്ടായിരുന്നു. മകളുടെ ചിത്രം പകര്ത്താനും അനുഗ്രഹം നല്കാനുമെല്ലാം രാധയും രാജശേഖരനും മുന്നിലുണ്ടായിരുന്നു.
ഞങ്ങളെല്ലാം ബ്രൈഡിന്റെ ടീമിലാണെന്ന ക്യാപ്ഷനോടെയും പൂര്ണിമ ഭാഗ്യരാജ് ചിത്രങ്ങള് പോസ്റ്റ് ചെയ്തിരുന്നു. മേനകയും രാധികയുമെല്ലാം പൂര്ണിമയ്ക്കൊപ്പമുള്ള ചിത്രങ്ങള് സോഷ്യല്മീഡിയയിലൂടെ പങ്കുവെച്ചിരുന്നു.
