കുടുംബപ്രേക്ഷകര്ക്ക് സുപരിചിതയാണ് നടി സുചിത്ര നായര്. വാനമ്പാടി എന്ന സീരിയലിലെ ക്രൂരയായ വില്ലത്തി പത്മിനിയെ അവതരിപ്പിച്ചാണ് സുചിത്ര കൂടുതല് ശ്രദ്ധ നേടുന്നത്. ബിഗ് ബോസ് നാലാം സീസണിലെ മത്സരാര്ത്ഥി കൂടിയായിരുന്ന സുചിത്ര മികച്ച പ്രകടനം കാഴ്ചവെച്ചാണ് ഹൗസില് നിന്നും പടിയിറങ്ങിയത്.
സോഷ്യല് മീഡിയയില് സജീവമായ താരം പങ്കുവെയ്ക്കുന്ന വിശേഷങ്ങളെല്ലാം ശ്രദ്ധിക്കെപ്പടാറുണ്ട്. ഇപ്പോഴിതാ തന്റെ കുടുംബത്തോടൊപ്പമുളള മനോഹരമായ ചിത്രം ഇന്സ്റ്റഗ്രാമില് പങ്കിട്ടിരിക്കുകയാണ് നടി. 'മഹാദേവാ.. എനിക്ക് മനോഹരമായ ഒരു കുടുംബം നല്കി അനുഗ്രഹിച്ചതിന് ഞാന് നിങ്ങളോട് നന്ദി പറയുന്നു. എന്റെ കുടുംബം എന്റെ ജീവിതമാണ്, മറ്റെല്ലാം എനിക്ക് പ്രാധാന്യം രണ്ടാമത്.
എന്റെ ജീവിതത്തിലെ ഏറ്റവും വിലപ്പെട്ട കാര്യം ഈ പുഞ്ചിരിക്കുന്ന രണ്ട് മുഖങ്ങളാണ്.അതിനായി എനിക്ക് കഴിയുന്നതെല്ലാം ഞാന് ചെയ്യും..'', സുചിത്ര അച്ഛനും അമ്മയ്ക്കും ഒപ്പം നില്ക്കുന്ന ഫോട്ടോയ്ക്കൊപ്പം കുറിച്ചു. നിര്മല് എസ്.എലാണ് സുചിത്രയുടെ ചിത്രങ്ങള് എടുത്തിരിക്കുന്നത്.
