ഇന്ത്യയെ ആറു വിക്കറ്റിന് ഫൈനലില് തോല്പ്പിച്ച് ലോകകപ്പിന്റെ വിജയം ആഘോഷിക്കാന് തുടങ്ങും മുമ്പാണ് ഓസ്ട്രേലിയയ്ക്കിട്ട് ടി20 പരമ്പരയിലെ ആദ്യ മത്സരത്തില് ഇന്ത്യ തിരിച്ചടിച്ചത്. രണ്ടാം നിരയിലെ ടീമുമായി സൂര്യകുമാര് യാദവിന് കീഴിലിറങ്ങിയ ടീം ടി20 യുടെ ചരിത്രത്തിലെ ഏറ്റവും വലിയ ചേസിംഗ് നടത്തിയായിരുന്നു വിജയം നേടിയത്.
മത്സരത്തില് തകര്പ്പന് ബാറ്റിംഗ് നടത്തിയ നായകന് സൂര്യകുമാര് യാദവ് 42 പന്തില് 80 റണ്സാണ് അടിച്ചുകൂട്ടിയത്. സിക്സറുകളും ബൗണ്ടറികളുമായി തകര്ത്താടിയ സൂര്യകുമാറിനിട്ട് എങ്ങിനെ എറിയണമെന്നു പോലും ഓസ്ട്രേലിയന് ബൗളര്മാര്ക്ക് അറിയാന് കഴിയാതെ ആയി പോയിരുന്നു. ആദ്യം ബാറ്റ് ചെയ്ത ഓസീസ് ഉയര്ത്തിയ 208 റണ്സിന്റെ സ്കോറാണ് ഇന്ത്യ മറികടന്ന് ജയിച്ചത്.
മത്സരത്തില് ഫോറും സിക്സറുമായി സൂര്യകുമാര് അടിച്ചു തകര്ക്കുന്നതിനിടയില് കമന്റേറ്ററുടെ റോളില് ഇന്ത്യയുടെ മൂന് പരിശീലകന് രവിശാസ്ത്രിയൂം ഓസ്ട്രേലിയയുടെ ഇതിഹാസ ഓപ്പണര് മാത്യൂ ഹെയ്ഡനുമായിരുന്നു ബോക്സില്.
കമന്റ്റി ബോക്സിലെ രസകരമായ നിമിഷങ്ങളില് അടിച്ചു തകര്ക്കുന്ന സൂര്യകുമാറിനെ തടയാന് ഓസീസിന്റെ കയ്യില് എന്തെങ്കിലും തന്ത്രമുണ്ടോ എന്ന് രവിശാസ്ത്രി ഹെയ്ഡനോട് ചോദിച്ചു. ഇതിന് ഹെയ്ഡന് പറഞ്ഞ മറുപടി ഇത് ഏകദിനമാണെന്ന് അവനോട് ആരെങ്കിലും പറഞ്ഞാല് മതി എന്നായിരുന്നു. കമന്ററിയുടെ വീഡിയോ മുന് പാകിസ്താന് താരം ഷെയബ് അക്തറാണ് എക്സില് പോസ്റ്റ് ചെയ്തിട്ടുള്ളത്.
എന്തായാലും ഹെയ്ഡന്റെ ട്രോള് ഇപ്പോള് ആരാധകര് ഏറ്റെടുത്തിരിക്കുകയാണ്. ഏകദിനത്തില് സ്കോര് കണ്ടെത്താന് പാടു പെടുന്ന സൂര്യകുമാര് യാദവ് ടി20 യില് കളിക്കാനിറങ്ങുമ്പോള് ആളാകെ മാറും. ഏകദിന ലോകകപ്പില് ടീമിലുണ്ടായിരുന്ന സൂര്യകുമാര് യാദവിന് ഏഴു കളികളില് നിന്നും നേടാനായത് 17.66 ശരാശരിയില് 106 റണ്സ് മാത്രമായിരുന്നു. ഫൈനലില് ബാറ്റ് ചെയ്യാന് അവസരം കിട്ടിയിട്ടും ഇന്ത്യ ആറു വിക്കറ്റ് നഷ്ടമായി നില്ക്കുമ്പോഴും 18 റണ്സ് മാത്രമായിരുന്നു നേടാനായത്.
സമ്മര്ദ്ദത്തിലായിപ്പോയ താരത്തിന് മികച്ച സ്കോര് നേടാനായിരുന്നില്ല. എന്നാല് ലോകകപ്പിന് നാലു ദിവസം കഴിഞ്ഞ് തുടങ്ങിയ ടി20 പരമ്പരയില് അതേ ഓസ്ട്രേലിയന് ബൗളര്മാരെ സൂര്യ അനായാസമായിരുന്നു അതിര്ത്തിക്ക് പുറത്തേക്ക് അടിച്ചു പറത്തിയത്. നായകന്റെ ഭാരം റൂമില് വെച്ചിട്ടാണ് പോന്നതെന്നും സാധാരണ കളിക്കുന്നത് പോലെ കളിച്ചെന്നുമായിരുന്നു താരത്തിന്റെ പ്രതികരണം.
