മലയാള സിനിമ പ്രേക്ഷകർക്ക് ഏറെയിഷ്ട്മുള്ള താരമാണ് അനുശ്രീ. അഭിനയത്തിൽ തന്റേതായ വ്യക്തിമുദ്ര പതിപ്പിക്കാൻ അനുശ്രീക്ക് എപ്പോഴും കഴിഞ്ഞിട്ടുണ്ട്. ടെലിവിഷന് റിയാലിറ്റി ഷോ യില് മത്സരിച്ചിട്ടാണ് അനുശ്രീ വെള്ളിത്തിരയിൽ എത്തിയത്. സംവിധായകന് ലാല് ജോസ് ഡയമണ്ട് നനെക്ലേസ് എന്ന സിനിമയിലൂടെ വെള്ളിത്തിരയിലേക്ക് കൈപ്പിടിച്ച് കയറ്റിയ അനുശ്രീ പിന്നീട് മലയാളത്തിലെ മികച്ച നടിമാരില് ഒരാളായി വളര്ന്നു. ആ സിനിമയിലെ രാജശ്രീ എന്ന കഥാപാത്രത്തിന് വലിയ ജനപ്രീതിയായിരുന്നു ലഭിച്ചത്. തനിക്ക് ലാൽജോസ് എന്ന സംവിധായകനോടുള്ള കടപ്പാട് എത്രത്തോളം വലുതാണെന്നു അനുശ്രീ പലപ്പോഴും തുറന്നു പറഞ്ഞിട്ടുണ്ട്. ഇപ്പോഴിതാ അതുപോലെ തന്നെ ജീവിതത്തില് ദൈവീക ഇടപെടല് നടത്തിയൊരാള് കൂടിയുണ്ടെന്ന് പറഞ്ഞ്ഇൻസ്റ്റാഗ്രാം പോസ്റ്റ് ഇട്ടിരിക്കുകയാണ് താരം. സോഷ്യൽ മീഡിയയിൽ സജീവമായ താരം ഇന്സ്റ്റാഗ്രാം പേജിലൂടെ പങ്കുവെച്ച കുറിപ്പിലൂടെയാണ് ലാല് ജോസിനെ കുറിച്ചും ദിലീപിനെ പറ്റിയും പങ്കുവെച്ചത്.
"ഈ ലോകം എനിക്ക് പരിചയപ്പെടുത്തിയ രണ്ട് മികച്ച വ്യക്തികള്... എന്നെന്നും എനിക്ക് ഏറ്റവും മികച്ച രണ്ട് ആളുകളായി ഇവര് തുടരും.
ആദ്യം ലാൽജോസ് സർ...ഞാന് ഇവിടെയുള്ളതിന്റെ ഒരേയൊരു കാരണം... എന്റെ പേരും പ്രശസ്തിയും എല്ലാം ഞാൻ ആസ്വദിക്കുന്നു... എന്റെ ഈ ഗുരുനാഥനോട് ഞാന് കടപ്പെട്ടിരിക്കുന്നു. അദ്ദേഹം എന്നെ ഡയമണ്ട് നെക്ലേസിലേക്ക് കാസ്റ്റ് ചെയ്ത ദിവസം എന്റെ കുടുംബത്തില് എല്ലാ കാര്യങ്ങളും മാറി. ആദ്യ സിനിമയ്ക്ക് ശേഷം എന്റെ ജീവിതം 360 ഡിഗ്രിയില് തിരിയുകയായിരുന്നു. കലാമണ്ഡലം രാജശ്രീ ഇപ്പോഴും ജനങ്ങളുടെ ഹൃദയത്തില് ശക്തമായിട്ടുണ്ട്. ലാല് ജോസ് സാറിന്, എന്റെ ഹൃദയത്തില് മാത്രമല്ല, എന്റെ മുഴുവന് കുടുംബത്തിന്റെയും ചിന്തകളിലും പ്രാര്ത്ഥനകളിലും നിങ്ങള് ഉണ്ടായിരിക്കും..."
അടുത്തത് ദിലീപേട്ടൻ....എന്റെ ജീവിതത്തിലെ അടുത്ത ദൈവിക ഇടപെടലാണ്. എനിക്ക് എപ്പോഴും ചന്ദ്രേട്ടാ.. എന്ന് വിളിക്കാം. ജീവിതത്തിലെ ഏറ്റവും വലിയ പാഠം പഠിപ്പിച്ച ഏറ്റവും യഥാര്ത്ഥ മനുഷ്യനാണ് അദ്ദേഹം. ഒരു സുഹൃത്ത് എന്ന നിലയില് എല്ലായിപ്പോഴും അദ്ദേഹം അവിടെയുണ്ട്. അദ്ദേഹം ചെയ്തു തന്ന സഹായത്തിന് പരിതികളില്ല. എനിക്ക് കിട്ടാവുന്നതില് വെച്ച് ഏറ്റവും വലിയ സമ്മാനമായിരുന്നു ചന്ദ്രേട്ടന്.
എന്റെ ഏറ്റവും പ്രിയപ്പെട്ട രണ്ട് വ്യക്തികള്ക്കൊപ്പം ഒരുമിച്ച് ഫോട്ടോ എടുക്കാന് സാധിച്ചതില് വലിയ സന്തോഷമുണ്ട്... " എന്നാണ് ഇവർക്കൊപ്പമുള്ള ചിത്രത്തിന്റെ കൂടെ അനുശ്രീ കുറിച്ചത്. ലാല് ജോസിനും ദിലീപിനുമൊപ്പം നിലത്ത് ഇരിക്കുന്ന ചിത്രമാണ് അനുശ്രീ പങ്കുവെച്ചത്.
സിനിമയിലേക്ക് തന്നെ കൈപിടിച്ച് ഉയര്ത്തിയ ലാല് ജോസിനെ പറ്റി മുന്പും അനുശ്രീ പറഞ്ഞിട്ടുണ്ട്. ഡയമണ്ട് നെക്ലേസിന് ശേഷം കുറെ സിനിമകളിൽ ഇരുവരും ഒരുമിച്ചു. ചന്ദ്രേട്ടന് എവിടെയാ എന്ന സിനിമയിലൂടെയാണ് ദിലീപും അനുശ്രീയും ഒരുമിച്ച് അഭിനയിക്കുന്നത്. സിദ്ധാര്ഥ് ഭരതന് സംവിധാനം ചെയ്ത സിനിമയില് ഇരുവരും ഭാര്യ-ഭര്ത്താക്കന്മാരായിട്ടാണ് അഭിനയിച്ചത്. ഈ സിനിമയിലൂടെ തുടങ്ങിയ സൗഹൃദം പിന്നീടും തുടരുകയായിരുന്നു. ദിലീപിന്റെ പ്രതിസന്ധി ഘട്ടങ്ങളിൽ എപ്പോഴും കൂടെ നിന്ന ഒരാൾ കൂടിയാണ് അനുശ്രീ.
