ബോളിവുഡ് ആരാധകര്ക്ക് ഏറെ സന്തോഷകരമായ ഒരു വാര്ത്ത പങ്കിടുകയാണ് പ്രേക്ഷകരുടെ സ്വന്തം രണ്ദീപ് ഹൂഡ. വ്യത്യസ്തമായ ഒരുപാട് കഥാപാത്രങ്ങളിലൂടെ തന്റേതായ ഒരിടം പ്രേക്ഷകമനസ്സില് നേടിയെടുക്കാന് രണ്ദീപിന് കഴിഞ്ഞിട്ടുണ്ട്. ഇപ്പോഴിതാ വര്ഷങ്ങളുടെ പ്രണയത്തിന് ശേഷം അഭിനേത്രിയായ ലിന് ലൈഫ്രാമിനെ വിവാഹം കഴിക്കുന്നതിന്റെ സന്തോഷം പങ്കിടുകയാണ് താരം. സോഷ്യല് മീഡിയയില് പങ്കുവച്ച കുറിപ്പിലൂടെയാണ് ഇരുവരും ചേര്ന്ന് വിവാഹ വാര്ത്ത പുറത്തുവിട്ടത്. ‘‘ഞങ്ങൾക്ക് ആവേശകരമായ വാർത്തയുണ്ട്... മഹാഭാരത്തില് അര്ജുനന് മണിപ്പൂരി രാജകുമാരി ചിത്രാംഗതയെ വിവാഹം കഴിക്കുന്ന രംഗം പോലെ. ഞങ്ങളുടെ കുടുംബത്തിന്റേയും സുഹൃത്തുക്കളുടേയും അനുഗ്രഹത്തോടെ ഞങ്ങള് വിവാഹം കഴിക്കുകയാണ്. മണിപ്പൂരിലെ ഇംഫാലില് വച്ച് നവംബര് 29 ന് വിവാഹം തീരുമാനിച്ചവിവരം സന്തോഷത്തോടെ അറിയിക്കുന്നു. അതിനു ശേഷം മുംബൈയില് വച്ച് റിസപ്ഷന് ഉണ്ടാകും. ഞങ്ങളുടെ ഒന്നിച്ചുള്ള യാത്രയില് നിങ്ങളുടെ അനുഗ്രഹം തേടുന്നു...’’ എന്നാണ് ഇവര് കുറിച്ചത്. നവംബര് 29ന് മണിപ്പൂരിലെ ഇംഫാലില് വച്ചാണ് വിവാഹം നടക്കുക. വര്ഷങ്ങളായി ഇരുവരും പ്രണയത്തിലായിരുന്നു. മണിപ്പൂര് സ്വദേശിയായ ലിന് ലൈഷ്രാം ഷാരുഖ് ഖാന് നായകനായി എത്തിയ ഓം ശാന്തി ഓശാനയിലൂടെയാണ് ശ്രദ്ധനേടിയത്.
