ഇന്ത്യന് ക്രിക്കറ്റ് പ്രേമികള്ക്ക് ഇന്നും ആവേശം നിറയ്ക്കുന്ന താരമാണ് എം.എസ്.ധോണി. ധോണിയുടെ ക്യാപ്റ്റന്സിയില് ഇന്ത്യ വേള്ഡ്കപ്പ് നേടിയപ്പോള് ഏറെ ആവേശത്തോടെയാണത് ആരാധകര് സ്വീകരിച്ചത്. അന്താരാഷ്ട്ര ക്രിക്കറ്റില് നിന്ന് വിരമിച്ചെങ്കിലും ആരാധകര്ക്ക് ധോണി ഇന്നും താരമാണ്. സോഷ്യല് മീഡിയ വഴി താരം പങ്കിടുന്ന എല്ലാ പുത്തന് വിശേഷങ്ങളും ഔട്ട്ലുക്കിലെ പുത്തന് സ്റ്റെലുകളും പകര്ത്തുന്നവരും വീഡിയോ ഷെയര് ചെയ്യുന്നവരും ധാരാളമുണ്ട്. ഇപ്പോഴിതാ തന്റെ മോട്ടോര് ബൈക്കില് ഓട്ടോഗ്രാഫ് നല്കണമെന്നായിരുന്നു ആരാധകന്റെ ആഗ്രഹം നിറവേറ്റുകയാണ് താരം. ബൈക്കിന്റെ ഹെഡ്ലൈറ്റിനോട് ചേര്ന്നുള്ള ഭാഗത്തെ പൊടി സ്വന്തം ടിഷര്ട്ടുകൊണ്ട് തന്നെ തുടച്ചാണ് താരം ഓട്ടോഗ്രാഫ് നല്കിയത്. ഈ വീഡിയോയും ആരാധകന് ധോണിക്കൊപ്പം നില്ക്കുന്ന ചിത്രവും സോഷ്യല് മീഡിയയിലൂടെ വൈറലായിരിക്കുകയാണ്. സൂപ്പര് ബൈക്കുകളുടേയും വിന്റേജ് കാറുകളുടേയും മികച്ച ശേഖരമുള്ള ധോണി, ഫോട്ടോകള്ക്ക് പോസ് ചെയ്യുന്നതിന് മുമ്പ് സൂപ്പര്ബൈക്കില് കയറി സ്റ്റാര്ട്ട് ചെയ്യുന്നതും വീഡിയോയിലുണ്ട്.
MS Dhoni and his love for bikes 💛#MSDhoni #WhistlePodu
🎥 Sumeet Kumar pic.twitter.com/veGbBS16UO— WhistlePodu Army ® - CSK Fan Club (@CSKFansOfficial) November 25, 2023
ക്രിക്കറ്റില് നിന്ന് കിട്ടിയ ബ്രേക്ക് ആസ്വദിക്കുന്ന താരം തന്റെ മുന് ടീമംഗങ്ങള്ക്കൊപ്പം അത്താഴം കഴിക്കുന്നതും സുഹൃത്തുക്കളുമായും കുടുംബാംഗങ്ങളുമായും രാജ്യത്ത് വിവിധ ഇടങ്ങളിലേക്ക് യാത്ര ചെയ്യുന്നതുമൊക്കെ സോഷ്യല് മീഡിയ ഏറ്റെടുക്കാറുണ്ട്. ധോണിയുടെ ഏറ്റവും ഇഷ്ടമായ വിനോദങ്ങളിലൊന്നാണ് യാത്രകള്. തന്റെ യാത്രകള്ക്കിടയില് രാജ്യത്തുള്ള എല്ലാ ആരാധകരില് നിന്നും കിട്ടുന്ന സ്നേഹം വലിയൊരു അംഗീകാരമായി താരം കരുതാറുണ്ട്. അങ്ങനെയുളള ഒരു യാത്രക്കിടയിലാണ് മോട്ടോര് ബൈക്ക് പ്രേമിയായ തന്റെ ആരാധകന്റെ ഓട്ടോഗ്രാഫ് അഭ്യര്ത്ഥന താരം സ്വീകരിച്ചത്. ധോണിയുടെയും ആരാധകന്റെയും ഈ വീഡിയോ എക്സ് പ്ലാറ്റ്ഫോം വഴി മിക്കവരും പങ്കുവയ്ക്കുന്നുണ്ട്.
