ടീസറുകളിലൂടെയും ഗാനത്തിലൂടെയും ആക്ഷന് സീക്വന്സുകളിലൂടെയുമൊക്കെ ആരാധകര് ആവേശത്തോടെ കാത്തിരിക്കുന്ന ചിത്രമാണ് സന്ദീപ് റെഡ്ഡി വംഗയുടെ ക്രൈം സാഗാ ഗണത്തില്പ്പെടുന്ന രണ്ബീറിന്റെ ‘ആനിമല്’. സിനിമയുടെ സ്ക്രീനിംഗിനായി ആലിയയും രണ്ബീറിന്റെ അമ്മ നീതു കപൂറും എത്തുന്നതാണ് സോഷ്യല് മീഡിയ ഏറ്റെടുക്കുന്നത്. മുംബൈയിൽ നടന്ന ചിത്രത്തിന്റെ പ്രദർശനത്തിൽ പങ്കെടുക്കാന് ആലിയ എത്തിയത് ‘ആനിമല്’ ചിത്രത്തിലെ രൺബീറിന്റെ സ്റ്റിൽ ഉള്ള ടീ-ഷർട്ട് ധരിച്ചാണ്. രൺബീറിന്റെ കഥാപാത്രമായ അർജുൻ സിംഗ് പ്രിന്റ് ചെയ്ത വെള്ള ടീ ഷർട്ടിനൊപ്പം ജോടിയാക്കിയ കറുത്ത കോട്ടും പാന്റും ധരിച്ച് സ്റ്റൈലിഷ് ലുക്കിലായിരുന്നു ആലിയ. ടീ ഷർട്ടിൽ സിനിമയുടെ ഡയലോഗും എഴുതിയിട്ടുണ്ട്. ആലിയയുടെ സഹോദരി ഷഹീനും അമ്മ സോണി റസ്ദാനും സ്ക്രീനിംഗ് കാണാന് എത്തിയിരുന്നു. ഇവര്ക്ക് പിറകിലായി രണ്ബീറിന്റെ കൈയില് പിടിച്ച് നീതു കപൂറും നടന്നു വരുന്നതും വീഡിയോയില് കാണാം. കറുത്ത സ്യൂട്ടില് രണ്ബീറും സ്റ്റൈലിഷ് കൂള് ലുക്കില് നീതുവും തിളങ്ങുന്നുണ്ട്.
