ബാങ്കിംഗ് സംവിധാനത്തിലേക്ക് 2000 രൂപ നോട്ടുകളിൽ 97.26 ശതമാനവും തിരിച്ചെത്തിയതായി റിസർവ് ബാങ്ക് ഓഫ് ഇന്ത്യ. 2000 രൂപയുടെ 9,760 കോടി രൂപ മൂല്യമുള്ള നോട്ടുകള് നിക്ഷേപിക്കുകയോ മാറുകയോ ചെയ്തിട്ടില്ലെന്നും ആർബിഐ. 2000 രൂപ നോട്ടുകൾ മെയ് 19 നാണ് വിനിമയത്തിൽ നിന്ന് ആർബിഐ പിൻവലിച്ചത്.
രാജ്യത്ത് ആകെ 3.56 ലക്ഷം കോടി രൂപ മൂല്യമുള്ള 2000 രൂപ നോട്ടുകളാണ് പ്രചാരത്തിലുണ്ടായിരുന്നത്. നോട്ട് പിൻവലിച്ചതിന് ശേഷം 2023 നവംബർ 30 ആയപ്പോഴേക്കും 97.26 ശതമാനാവും തിരിച്ചെത്തി.
സെപ്തംബർ 30-നകം 2000 നോട്ടുകൾ കൈവശം വച്ചിരിക്കുന്ന പൊതുജനങ്ങളോടും സ്ഥാപനങ്ങളോടും അവ മാറുകയോ ബാങ്ക് അക്കൗണ്ടുകളിൽ നിക്ഷേപിക്കുകയോ ചെയ്യണമെന്ന് ആര്ബിഐ ആവശ്യപ്പെട്ടിരുന്നു. ആര്ബിഐയുടെ 19 ഓഫീസുകളില് നോട്ടുകള് മാറ്റാനുള്ള സൗകര്യം ഇപ്പോഴും തുടരുകയാണ്.
