സംവിധായകന് ജോഷിയുടെ സിനിമകളെന്നു കേള്ക്കുമ്പോഴേ പ്രേക്ഷകര്ക്ക് അന്നുമിന്നും വലിയ ആവേശമാണ്. ജനപ്രിയ ചലച്ചിത്ര സംവിധായകൻ ജോഷിയുടെ ഏറ്റവും പുതിയ റിലീസാണ് ജോജു ജോര്ജ്ജ്, കല്യാണി പ്രിയദര്ശൻ എന്നിവരെ പ്രധാന കഥാപാത്രങ്ങളാക്കി ‘ആന്റണി’. കഴിഞ്ഞ ദിവസം തിയേറ്ററുകളിലെത്തിയ സിനിമയ്ക്ക് മികച്ച പ്രതികരണങ്ങളും അഭിപ്രായങ്ങളുമാണ് കിട്ടിക്കൊണ്ടിരിക്കുന്നത്. ഏറ്റവുമധികം പ്രശംസ നേടുന്നത് കല്യാണി പ്രിയദര്ശനാണ്. ഇപ്പോഴിതാ കഥാപാത്രത്തിനായി താൻ നടത്തിയ കഠിനാധ്വാനത്തെക്കുറിച്ച് സോഷ്യല് മീഡിയയില് കുറിക്കുകയാണ് കല്യാണി. അഡ്രിനാലിൻ-പമ്പിംഗ് ആക്ഷൻ രംഗങ്ങളാണ് ഏറ്റവുമധികം ശ്രദ്ധിക്കപ്പെടുന്നത്. ‘‘നിങ്ങളുടെ കംഫർട്ട് സോണിൽ വളർച്ചയില്ല. നിങ്ങളുടെ വളർച്ചാ മേഖലയിൽ ഒരു സുഖവുമില്ല...ഞാൻ വൈകി മനസ്സിലാക്കിയ ഒരു കാര്യമാണിത്...
പഞ്ചുകൾ യഥാർത്ഥമായിരുന്നു. കിക്കുകൾ യഥാർത്ഥമായിരുന്നു. ചതവുകൾ യഥാർത്ഥമായിരുന്നു. മുറിവുകൾ യഥാർത്ഥമായിരുന്നു. കണ്ണുനീർ യഥാർത്ഥമായിരുന്നു. പുഞ്ചിരി യഥാർത്ഥമായിരുന്നു... എന്നിരുന്നാലും രക്തം യഥാർത്ഥമായിരുന്നില്ല...
സിനിമയെ ഹൃദയം തുറന്ന് സ്വീകരിച്ച പ്രേക്ഷകര്ക്ക് നന്ദി... കയ്യടിച്ചതിന് നന്ദി സുഹൃത്തുക്കളെ, ആവേശത്തോടെ അലറിവിളിച്ചതിന് നന്ദി സുഹൃത്തുക്കളേ...എല്ലാറ്റിനുമുപരിയായി, ആനിനോട് ദയയും സ്നേഹവും കാണിച്ചതിന് നന്ദി...’’ ഈ കുറിപ്പിനൊപ്പം ആന്റണി ഇപ്പോൾ സിനിമാശാലകളിൽ ഉണ്ടെന്നും ഹാഷ് ടാഗില് താരം കുറിക്കുന്നു.
എംഎംഎ പരിശീലനം നേടിയ, കോളേജില് പോകുന്ന ആൻ മരിയ എന്ന പെണ്കുട്ടിയുടെ വേഷമാണ് ചിത്രത്തില് കല്യാണി പ്രിയദര്ശൻ അവതരിപ്പിച്ചത്. ‘ആന്റണി’യില് ചെമ്ബൻ വിനോദ് ജോസ്, വിജയരാഘവൻ, നൈല ഉഷ, ആശാ ശരത് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഏറെ കൈയടികളും പ്രശംസകളും ആര്പ്പുവിളികളും നേടിയ സുരേഷ് ഗോപി നായകനായി എത്തിയ ‘പാപ്പനാ’ണ് ജോഷിയുടെ സംവിധാനത്തിലെത്തിയ അവസാന ചിത്രം.
