ജീവിതത്തില് താന് ഏറ്റവും വെറുത്തുപോയ തന്റെ ഡേറ്റിംഗ് അനുഭവം പങ്കുവച്ച യുവതിയാണ് ഇപ്പോള് നെറ്റീസണ്സിന്റെ ശ്രദ്ധ തിരിച്ചിരിക്കുന്നത്. ലോസ് ഏഞ്ചല്സില് നിന്നുള്ള എറിന് ചൊലാക്കിയന് എന്ന 28 കാരയാണ് തന്റെ അനുഭവം പങ്കുവച്ചത്. ഒരു പൊതുസുഹൃത്തിലൂടെയാണ് എറിനും മൈക്ക് എന്ന യുവാവും പരിചയപ്പെടുന്നത്. ഇങ്ങനെ സംസാരിച്ച ശേഷം ഇരുവരും നേരില് കാണാന് തീരുമാനിച്ചു. വളരെ ആകാംക്ഷയോടെയും പ്രതീക്ഷയോടെയുമാണ് എറിന് ആ ദിവസത്തിന് വേണ്ടി കാത്തിരുന്നത്. അങ്ങനെ വൈകുന്നേരം പറഞ്ഞ സമയത്ത് തന്നെ എറിന് യുവാവിന്റെ വീടിന് മുന്നിലെത്തി.
അങ്ങനെ ഏകദേശം 30 മിനിറ്റോളും എറിന് ആ യുവാവിനായി കാത്തിരുന്നു. തുടര്ന്ന് ട്രാക്സ്യൂട്ടൊക്കെ ധരിച്ച് വന്ന യുവാവ് അവളെ വീട്ടിനകത്തേക്ക് കൂട്ടിക്കൊണ്ടുപോയി. സ്വന്തം വീടായി കാണണം എന്നൊക്കെ പറഞ്ഞശേഷം വര്ക്കൗട്ട് ചെയ്യാന് തുടങ്ങി. തനിക്ക് കുറച്ച് നേരം വര്ക്കൗട്ട് ചെയ്യണം വെയിറ്റ് ചെയ്യണേ എന്നും പറഞ്ഞായിരുന്നു വര്ക്കൗട്ട്. ശേഷം യുവാവ് അവളെയുംകൊണ്ട് നേരെ സൂപ്പര്മാര്ക്കറ്റില് പോയി അവന് വാങ്ങാനുള്ള സാധനങ്ങളൊക്കെ വാങ്ങിവന്നു. ശേഷം അവളേയും കൂട്ടി നായയെ നടക്കാന് കൊണ്ടുപോയി. നടത്തത്തിനിടയിലാണെങ്കില് നായക്കൊരു ബാത്ത്റൂം ബ്രേക്കും.
തിരികെ വീട്ടിലെത്തിയ യുവാവ് എറിനെ ബെഡ്റൂമിലേക്ക് കൊണ്ടുപോയി. അത് സൗണ്ട്പ്രൂഫാണ് എന്ന് കാണിച്ചുകൊടുക്കുകയായിരുന്നു ലക്ഷ്യം. എന്നാല് ഇതെല്ലാം കണ്ട് എറിന് ദേഷ്യമായി. നല്ലൊരു ദിവസം അലങ്കോലപ്പെട്ടതിന്റെ വേദനയിലായിരുന്നു എറിന്. തനിക്ക് എട്ടുമണിക്ക് വീട്ടില് പോകണമെന്ന് എറിന് നേരത്തെ യുവാവിനോട് പറഞ്ഞിരുന്നു. എന്നാല് യുവാവ് വിസമ്മതിച്ചു. എങ്കിലും ഒരു വിധത്തില് എറിന് അവിടെ നിന്നും ഇറങ്ങി വീട്ടിലേക്ക് മടങ്ങി.
തുടര്ന്ന് നടത്തിയ ഓണ്ലൈന് സംഭാഷണത്തില് വളരെ സത്യസന്ധമായി യുവാവിനോട് താന് വളരെ നിരാശയാണ് എന്നും ഇനിയൊരിക്കലും യുവാവിനെ കാണാന് ആഗ്രഹമില്ല എന്നും കൂടി അവള് പറഞ്ഞു. യുവാവ് അവളോട് അടുത്ത കൂടിക്കാഴ്ച ഇങ്ങനെ ആവില്ല, വീണ്ടും കാണാമെന്നൊക്കെ പറഞ്ഞ് നോക്കിയെങ്കിലും താനതില് വീണില്ല എന്നാണ് എറിന് പറയുന്നത്. മാത്രമല്ല, ജീവിതത്തിലെ തന്നെ വെറുത്തുപോയ ഡേറ്റിംഗ് എന്നാണ് യുവതി ഡേറ്റിനെക്കുറിച്ച് പറഞ്ഞത്.
