പാലേരി മാണിക്യം എന്ന രഞ്ജിത്ത് സിനിമയിലൂടെ മലയാള സിനിമാലോകത്ത് അരങ്ങേറ്റം കുറിച്ച താരമാണ് മൈഥിലി. ആദ്യ സിനിമയിലൂടെ തന്നെ തന്റെ ബ്രൈറ്റി ബാലചന്ദ്രന് എന്ന പേരില് നിന്ന് മൈഥിലിയിലേക്ക് താരം പേരു മാറ്റി. കേരള കഫെ, ചട്ടമ്പിനാട്, ഈ അടുത്തകാലത്ത്, സാള്ട്ട് ആൻഡ് പെപ്പര്, നല്ലവൻ, ബ്രേക്കിംഗ് ന്യൂസ്, മാറ്റിനി, മായാമോഹിനി, നാടോടിമന്നൻ, വെടിവഴിപാട്, ഞാൻ, ലോഹം, മേരാ നാം ഷാജി താരം അഭിനയിച്ച ചിത്രങ്ങളും ഏറെ ശ്രദ്ധിക്കപ്പെട്ടിരുന്നു. ഏപ്രില് 28നായിരുന്നു മൈഥിലിയും ആര്ക്കിടെക്റ്റായ സമ്പത്തും തമ്മിലുള്ള വിവാഹം. അതോടെ സിനിമയില് നിന്ന് ഇടവേളയെടുത്ത് കുടുംബജീവിതത്തിന് ഏറെ പ്രാധാന്യം നല്കിയിരിക്കുകയാണ് താരം. സോഷ്യല് മീഡിയയിലൂടെ എപ്പോഴും വ്യക്തിവിശേഷങ്ങളും മകന് നീല് സമ്പത്തിന്റെ കുസൃതികളും ചിത്രങ്ങളും താരം പങ്കിടാറുണ്ട്. ഇപ്പോഴിതാ നീല് സമ്പത്തിന്റെ ജന്മദിനം ആഘോഷമാക്കിയിരിക്കുകയാണ് താരം. മകനും ഭര്ത്താവ് സമ്പത്തിനൊപ്പം താരവും നീലും കൂടി കേക്ക് മുറിക്കുന്ന ചിത്രങ്ങള് താരം പങ്കിട്ടിട്ടുണ്ട്. ‘‘ഞങ്ങളുടെ കൊച്ചു രാജകുമാരനൊപ്പമുള്ള മറക്കാനാവാത്ത 365 ദിവസങ്ങള്. നീ ജനിച്ചതില് ഞാനേറെ സന്തോഷവതിയാണ്. ജന്മദിനാശംസകള്...’’ എന്നാണ് താരം ചിത്രത്തിനൊപ്പം കുറിച്ചത്. പിറന്നാള് ആഘോഷത്തില് നിന്നുള്ള ചിത്രങ്ങളും മകന്റെ ഒറ്റയ്ക്കുള്ള ക്യൂട്ട് ചിത്രവും താരം പങ്കുവച്ചിട്ടുണ്ട്.
