അവതാരകയും അഭിനേത്രിയുമായി മലയാള സിനിമാസീരിയല് പ്രേക്ഷകര്ക്കിടയില് തിളങ്ങി നില്ക്കുന്ന താരമാണ് അശ്വതി ശ്രീകാന്ത്. സ്വതസിദ്ധമായ അവതരണശൈലിയും അതിഭാവുകത്വം നിറയാത്ത സംസാരവുമാണ് അശ്വതിയെ മറ്റുള്ള അവതാരകരില് നിന്ന് വേറിട്ടു നിര്ത്തുന്നത്. അശ്വതി സോഷ്യല് മീഡിയയിലൂടെ പങ്കിടുന്ന പോസ്റ്റുകള്ക്കും ആരാധകര് ഏറെയാണ്. ഭാഷയെയും വാക്കുകളെയും കൃത്യമായി കൈകാര്യം ചെയ്ത്, ഏറ്റവും രസകരമായിട്ടാണ് അശ്വതി കാര്യങ്ങള് പങ്കിടാറുണ്ട്. ഇപ്പോഴിതാ ജോലിക്കോ മറ്റ് ആവശ്യങ്ങള്ക്കോ പോകുമ്പോള് കുഞ്ഞുങ്ങളെ മാറ്റി നിര്ത്തേണ്ട കാര്യമില്ലെന്ന് പറയുകയാണ് അശ്വതി. അങ്ങനെ മാറ്റി നിര്ത്തുമ്പോള് അത് അവരില് അരക്ഷിതബോധം വര്ധിപ്പിക്കുമെന്നും തിരിച്ചു വരുമെന്ന് കുട്ടികള്ക്ക് ഉറപ്പു കൊടുത്തു കൊണ്ട് അവര്ക്കു മുന്നിലൂടെ തന്നെ ജോലിക്കു പോകണമെന്നുമാണ് അശ്വതി പറയുന്നത്.
‘‘മൂത്തമകള് പദ്മ കുഞ്ഞായിരിക്കുമ്പോള് വീട്ടില് നിന്നും ജോലിക്കു പൊയ്ക്കൊണ്ടിരുന്നത് ഒളിച്ചായിരുന്നു. അവളുടെ കരച്ചില് കണ്ടുകൊണ്ടു പോകുക എന്നത് ഏറെ പ്രയാസമുള്ള കാര്യമായിരുന്നു. ആ സമയങ്ങളില് പദ്മ കരയാതിരിക്കുന്നതിനു വേണ്ടി തന്റെ അടുത്ത് നിന്നും മാറ്റിയിരുന്നു. അത് അവളിലെ ഇൻസെക്യൂരിറ്റി വര്ധിപ്പിച്ചു. പിന്നെ അമ്മ തന്നെ തനിച്ചാക്കി പോകുമോ എന്ന് പേടിച്ചവള് കൂടുതല് കൂടുതല് ഒട്ടിപ്പിടിക്കുകയും ചെയ്തു. അങ്ങനെയൊരു അനുഭവം ഉള്ളതുകൊണ്ട് ഇളയ മകള് കമല ജനിച്ചപ്പോള് സ്ട്രാറ്റജി മാറ്റി. കരഞ്ഞാലും വേണ്ടില്ല, ജോലിക്കു പോകുകയാണെന്നും തിരിച്ചു വരുമെന്നും ഉറപ്പ് കൊടുത്തു കൊണ്ട് വീട്ടില് നിന്നും പുറത്തിറങ്ങാൻ തുടങ്ങി. അതുകൊണ്ടു തന്നെ കമലയ്ക്കു തന്റെ അടുത്തു നിന്നും മാറി നില്ക്കുന്നതില് ഒട്ടും വിശ്വാസക്കുറവില്ലെന്നും അശ്വതി പറയുന്നു. വീഡിയോ പങ്കുവെച്ചു കൊണ്ടാണ് അശ്വതി ഇക്കാര്യം പറഞ്ഞത്.
‘‘പദ്മ കുഞ്ഞായിരിക്കുമ്പോൾ ഒളിച്ചും പാത്തുമാണ് വീട്ടിൽ നിന്ന് ഞാൻ പുറത്തു കടന്നിരുന്നത്. കണ്ടാൽ നിലവിളിക്കുമെന്ന് ഉറപ്പാണ്. അത് കണ്ടിട്ട് പോകാൻ എനിക്കും സങ്കടമാണ്, മാനേജ് ചെയ്യാൻ വീട്ടിൽ ഉള്ളവർക്കും ബുദ്ധിമുട്ടാണ്. അതുകൊണ്ട് പോകാൻ ഒരുങ്ങുമ്പോഴേ ആരെങ്കിലും അവളെ എന്റെ അടുത്ത് നിന്ന് മറ്റും. സത്യത്തിൽ അത് കുഞ്ഞിന്റെ ഇൻസെക്യൂരിറ്റി കൂട്ടിയതേയുള്ളൂ. പിന്നെ എന്നെ കാണുമ്പോൾ അവൾ കൂടുതൽ വഴക്കാളിയായി. അടുത്ത് നിന്ന് മാറിയാലോ ഉറങ്ങിപ്പോയാലോ അമ്മ പൊയ്ക്കളയുമെന്ന് പേടിച്ചവൾ കൂടുതൽ കൂടുതൽ ഒട്ടിപ്പിടിച്ചു. അത് കൊണ്ട് രണ്ടാമത്തവൾ വന്നപ്പോൾ സ്ട്രാറ്റജി മാറ്റി. പോകുമ്പോൾ പറഞ്ഞിട്ടേ പോകൂ. കരഞ്ഞാലും മുന്നിലൂടെ തന്നെ പോകും. തിരിച്ചു വരുമെന്ന് ഉറപ്പ് കൊടുക്കും. ഇപ്പോൾ ഞാൻ എവിടെ പോയാലും തിരിച്ചു വരുമെന്ന് അവൾക്ക് ഉറപ്പാണ്. ഞാൻ വീട്ടിലുള്ളപ്പോഴും എന്റെ അടുത്ത് നിന്ന് മാറാൻ അവൾക്ക് വിശ്വാസക്കുറവില്ല. എന്നാൽ പത്തു വയസ്സുള്ള പദ്മ ഇപ്പോഴും കുളിക്കാൻ പോകുമ്പോൾ പോലും പറയും ‘അമ്മ ഞാൻ വന്നിട്ടേ പോകാവൊള്ളേ’ ന്ന്.
അതെ, ഞങ്ങൾ ആശയവിനിമയം നടത്തുന്ന രീതി ശരിക്കും പ്രധാനമാണ്. സുരക്ഷിതത്വം തോന്നുന്നതിന്റെ വളരെ പ്രധാനപ്പെട്ട ഭാഗമാണ് വിശ്വാസം. ഈ വിശ്വാസ ബോധം പഠനം, സാമൂഹിക കഴിവുകൾ, പൊരുത്തപ്പെടുത്തൽ, വൈകാരിക വികസനം എന്നിവയ്ക്ക് അടിത്തറയിടുന്നു!
നിങ്ങളുടെ അനുഭവങ്ങൾ പങ്കിടുക! സന്തോഷകരമായ രക്ഷാകർതൃത്വത്തിൽ....(അന്ന് എന്റെ ഷെഡ്യൂളിന്റെ അവസാന ദിവസമായിരുന്നു, അതുകൊണ്ടാ ഇന്ന് മാത്രം ഒന്ന് പൊയ്ക്കോട്ടേ ന്ന് പറഞ്ഞത്)...’’ വീഡിയോയ്ക്കൊപ്പം അശ്വതി കുറിച്ചു.
