ചുരുങ്ങിയ കാലത്തിനുള്ളിൽ മലയാളികളുടെ പ്രിയങ്കരിയായി മാറിയ നടിയാണ് ശിവദ. ശ്രീലേഖ എന്നാണ് താരത്തിന്റെ യഥാർത്ഥ പേര്. 2009ൽ പുറത്തിറങ്ങിയ കേരള കഫേ എന്ന ചിത്രത്തിലൂടെയാണ് ശിവദ മോളിവുഡിൽ അരങ്ങേറ്റം കുറിച്ചത്. അരങ്ങേറ്റ ചിത്രത്തിന് ശേഷം ശിവദ ഏറെക്കാലം ചാനൽ പരിപാടികളിൽ അവതാരകയായിരുന്നു. മഴ എന്ന ആല്ബത്തിലൂടെ ശിവദ പ്രേക്ഷകര്ക്ക് കൂടുതല് സുപരിചിതയായി. ‘സു സു സുധി വാത്മീകം’ എന്ന ചിത്രത്തിലെ കല്യാണി എന്ന കഥാപാത്രത്തിലൂടെയാണ് ശിവദ ജനശ്രദ്ധ നേടിയത്. സോഷ്യല് മീഡിയയിലും സജീവമായ താരമാണ് ശിവദ. ഫോട്ടോഷൂട്ട് ചിത്രങ്ങളും കരിയറിലെയും വിശേഷങ്ങളുമെല്ലാം താരം അതിലൂടെ പങ്കിടാറുണ്ട്. ഇപ്പോഴിതാ തന്റെ എട്ടാം വിവാഹ വാര്ഷികം ആഘോഷിക്കുകയാണ് താരം. ‘‘എട്ട് വര്ഷത്തെ സന്തോഷത്തിന്റെയും ചിരിയുടെയും വഴക്കുകളുടെയും അവിസ്മരണീയ നിമിഷങ്ങളും... നിങ്ങളോടൊപ്പം പ്രായമാകുന്നത് എന്റെ ഏറ്റവും വലിയ ശക്തിയും സന്തോഷവുമാണെന്ന് സമ്മതിക്കണം, ഞങ്ങള്ക്ക് വാര്ഷിക ആശംസകള്...’’ ഒരുമിച്ചുള്ള ചിത്രങ്ങള്ക്കൊപ്പം ശിവദ കുറിച്ചു. നീണ്ടനാളത്തെ പ്രണയത്തിനൊടുവിലാണ് ശിവദയും മുരളീകൃഷ്ണനും വിവാഹിതരായത്. ഇവരുടെ മകളായ അരുന്ധതിയും പ്രേക്ഷകര്ക്ക് പരിചിതയാണ്. വിവാഹചിത്രങ്ങള് മുതല് ഏറ്റവും ലേറ്റസ്റ്റായ ചിത്രങ്ങള് വരെ താരം പങ്കുവച്ചിട്ടുണ്ട്. സീറോ, ഇടി, ലക്ഷ്യം, അച്ചായന്സ്, വല്ലവനക്കും വല്ലവന്, ഇരവക്കാലം, നെടുച്ചാലയി, ശിക്കാരി ശംഭു, 12'ത് മാന്, ജവാനും മുല്ലപ്പൂവും, 2018 വരെ എത്തി നില്ക്കുകയാണ് ശിവദ.
