ബോളിവുഡിൽ തരംഗം സൃഷ്ടിക്കുകയാണ് സന്ദീപ് വാംഗെ സംവിധാനം ചെയ്ത് രൺബീർ കപൂർ നായകനായ ' അനിമൽ'. അച്ഛനും മകനും തമ്മിലുള്ള തീവ്ര ബന്ധത്തിന്റെ കഥ പറയുന്ന ഈ സിനിമ ബോക്സ്ഓഫീസിൽ കോടികൾ നേടുകയാണ്. വിവാദങ്ങലും നെഗറ്റീവ് അഭിപ്രായങ്ങളും ഉണ്ടെങ്കിലും പ്രേക്ഷകരുടെ ഭാഗത്തു നിന്ന് മികച്ച സ്വീകാര്യതയാണ് സിനിമയ്ക്ക് കിട്ടുന്നത്. ഇപ്പോഴിതാ ബോളിവുഡ് ചിത്രമായ അനിമല് കണ്ടതോടെ സംവിധായകനും നടനുമായ രൂപേഷ് പീതാംബരൻ നാടുവാഴികൾ സിനിമയെക്കുറിച്ചാണ് ഫേസ്ബുക്കിൽ കുറിച്ചത്. "ഞങ്ങള് പണ്ടേ ചെയ്ത് വിട്ട് പിടിച്ച സീൻ ആണ് ബ്രോ (സന്ദീപ് റെഡ്ഡി വാംഗ)രാഷ്ട്രീയ കൃത്യതയോടെ... പക്ഷെ ഞാൻ അനിമൽ എങ്ങനെയാണോ അത് പോലെ സ്നേഹിക്കുന്നു..." എന്നാണ് 2023ല് പുറത്തിറങ്ങിയ അനിമല് സിനിമയുടെയും നാടുവാഴികള് ചിത്രത്തിന്റെയും പോസ്റ്ററുകള് പങ്കുവെച്ചുകൊണ്ട് രൂപേഷ് കുറിച്ചത്.
ജോഷിയുടെ സംവിധാനത്തില് മോഹന്ലാല്, മധു എന്നിവര് പ്രധാന കഥാപാത്രങ്ങളെ അവതരിപ്പിച്ച് 1989ല് പുറത്തിറങ്ങിയ ചിത്രമായ നാടുവാഴികള്, അനിമൽ സിനിമയ്ക്കൊപ്പമാണ് വീണ്ടും സോഷ്യല് മീഡിയ പേജുകളില് നിറയുന്നത്. നടന് രൂപേഷ് പീതാംബരന് മൂന്നാമതും സംവിധായകനായത് 'ഭാസ്കര ഭരണം'എന്ന ചിത്രത്തിലൂടെയാണ്.രൂപേഷ് പീതാംബരന്, സോണിക മീനാക്ഷി, അജയ് പവിത്രന്, മിഥുന് കെ.ദാസ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.'ഭാസ്കരഭരണം' തിരക്കഥ ഒരുക്കിയിരിക്കുന്നത് സംവിധായകന് രൂപേഷ് പീതാംബരനാണ്.
