ജയറാമിന്റെ മകന് കാളിദാസ് ജയറാം ഒന്നല്ല എങ്കില് മറ്റൊരു തരത്തില് ഇപ്പോള് വാര്ത്തകളില് നിറഞ്ഞുകൊണ്ടേയിരിക്കുകയാണ്. രജ്നി എന്ന സിനിമയുടെ പ്രമോനും, കല്യാണ വിശേഷങ്ങളും, പെങ്ങളുടെ കല്യാണ നിശ്ചയവുമൊക്കെയായി കാളിദാസിന്റെ വാര്ത്തകള് സോഷ്യല് മീഡിയയില് വളരെ സജീവമായി. നടന്റെ മുപ്പതാം പിറന്നാള് ആഘോഷമാണ് ഇപ്പോള് ഹൈലൈറ്റ്.
കഴിഞ്ഞ ദിവസമായിരുന്നു ജന്മദിനം. അശ്വതിയും ജയറാമും തരിണിയും ചക്കിയും അടക്കം സുഹൃത്തുക്കളും ആരാധകരും എല്ലാം ആശംസകളുമായി എത്തിയിരുന്നു. ഇപ്പോഴിതാ പിറന്നാള് ആഘോഷത്തിന്റെ ചിത്രങ്ങളുമായി ഇന്സ്റ്റഗ്രാമില് എത്തിയിരിക്കുകയാണ് കാളിദാസ്. 'എനിക്ക് മുപ്പത് ആയിട്ടില്ല, 13 ആയിട്ടേയുള്ളൂ' എന്നാണ് ക്യാപ്ഷന്.
പിറന്നാള് ആഘോഷത്തിന്റെ കേക്ക് ആണ് മറ്റൊരു ആകര്ഷണം. കേക്കില് ക്ലാപ് ബോര്ഡ് വച്ച് ഡിസൈന് ചെയ്യുകയായിരുന്നു. സീന് 30, ടേക്ക് 1 എന്ന് അതില് എഴുതിയിരിക്കുന്നതും കാണാം. വരുന്ന വര്ഷം കാളിദാസ് സിനിമയില് കൂടുതല് സജീവമാവും എന്ന് ഈ ഒരു ബേര്ത്ത് ഡേ സെലിബ്രേഷന് വ്യക്തമാക്കി തരുന്നു.
നടന് ആശംസകള് അറിയിച്ച് നിരവധി കമന്റുകളാണ് പോസ്റ്റിന് താഴെ വരുന്നത്. മുപ്പതുകാരുടെ ക്ലബ്ബിലേക്ക് സ്വാഗതം അറിയിച്ചുകൊണ്ടാണ് ചിലരുടെ ആശംസ. കല്യാണത്തിന് മുന്പുള്ള അവസാനത്തെ ബാച്ചിലര് ബേര്ത്ത് ഡേ അല്ലേ നന്നായി ആഘോഷിക്കൂ എന്ന് പറഞ്ഞവരുമുണ്ട്. കണ്ണന് 30 വയസ്സായി എന്ന് വിശ്വസിക്കാന് കഴിയാത്തവരാണ് വേറെ ചിലര്.
ബാലതാരമായി സിനിമയില് എത്തിയ കാളിദാസ് ജയറാം, കൊച്ചു കൊച്ച് സന്തോഷങ്ങള് എന്ന ചിത്രത്തിലൂടെ മലയാളികളുടെ മുഴുവന് ഇഷ്ടവും പിടിച്ചു പറ്റിയിരുന്നു. എന്റെ വീട് അപ്പൂന്റെയും എന്ന ചിത്രത്തിലൂടെ ദേശീയ പുരസ്കാരവും നേടിയെടുത്തു. നായകനായി തിരിച്ചെത്തിയ ശേഷം തമിഴിലും മലയാളത്തിലുമായി മികച്ച കഥാപാത്രങ്ങള് ചെയ്തുകൊണ്ടിരിക്കുകയാണ്.
