ബാലതാരമായി സിനിമയില് എത്തി തെന്നിന്ത്യയിലെ സൂപ്പര് നായികയായി മാറിയ താരമാണ് നസ്രിയ നസീം.' പളുങ്ക്' എന്ന ചിത്രത്തിലൂടെയാണ് നസ്രിയ അഭിനയ രംഗത്തേക്ക് കടക്കുന്നത്. സോഷ്യല് മീഡിയയിലും സജീവമായ നസ്രിയ പങ്കിടുന്ന ചിത്രങ്ങളും വിശേഷങ്ങളുമെല്ലാം ആരാധകര് ഏറ്റെടുക്കാറുണ്ട്.
നസ്രിയയുടെ പിറന്നാള് ആയിരുന്നു കഴിഞ്ഞ ദിവസം. സിനിമാലോകത്ത് നിന്നും നിരവധി പേര് താരത്തിന് ആശംസകള് നേര്ന്ന് സോഷ്യല് മീഡിയയില് പോസ്റ്റ് പങ്കുവെച്ചിരുന്നു.
ഇപ്പോഴിതാ താരത്തിന് ബര്ത്ത്ഡേ ആശംസിച്ച് നടി മേഘ്ന രാജ് സോഷ്യല് മീഡിയയില് പങ്കുവെച്ച വീഡിയോ ആണ് വൈറലാകുന്നത്. പിറന്നാള് ദിനത്തില് മേഘ്നാ രാഡിനെ കാണാനെത്തിയതായിരുന്നു നസ്രിയ. മേഘ്നയുടെ മകന് റയാനൊപ്പം ചേര്ന്ന് നൃത്തം ചെയ്യുന്ന നസ്രിയയുടെ വീഡിയോ ആണ് നടി പങ്കുവെച്ചിരിക്കുന്നത്.
' പ്രിയപ്പെട്ട നസ്രിയയ്ക്ക് പിറന്നാള് ആശംസകള്. നിങ്ങള് രണ്ട് പേരുടെയും ഡാന്സ് കാരണം വീടിന്റെ മേല്ക്കൂര താഴേയ്ക്ക് വീഴുമെന്ന അവസ്ഥയിലാണ്.' എന്നായിരുന്നു വീഡിയോയ്ക്കൊപ്പം മേഘ്ന പങ്കുവെച്ച കുറിപ്പ്.
2013 ല് റിലീസ് ചെയ്ത മാഡ് ഡാഡ് എന്ന ചിത്രത്തിലാണ് നസ്രിയയും മേഘ്നയും ആദ്യമായി ഒരുമിച്ച് അഭിനയിച്ചത്. ചിത്രത്തില് നസ്രിയയുടെ അമ്മയുടെ വേഷമാണ് മേഘ്ന അവതരിപ്പിച്ചത്. ചിത്രത്തിന് ശേഷവും ഇരുവരും തമ്മിലുള്ള സൗഹൃദം വളരുകയായിരുന്നു.
