സെല്ഫി എടുക്കുന്നതിനിടയില് ആളുകള്ക്ക് അപകടം സംഭവിച്ച പല വാര്ത്തകളെക്കുറിച്ചും നാം കേട്ടറിഞ്ഞിട്ടുണ്ട്. ചിലര്ക്ക് ജീവന് പോലും നഷ്ടമായിട്ടുണ്ട്. അതുകൊണ്ട് തന്നെ ഇത്തരം അപകടം പിടിച്ച സാഹചര്യങ്ങളില് നിന്ന് സെല്ഫി എടുക്കരുതെന്ന് പലരും മുന്നറിയിപ്പ് നല്കാറുണ്ട്. എന്നാല് എത്ര പറഞ്ഞാലും ആളുകള് ഇതൊന്നും മുഖവിലയ്ക്കെടുക്കാറില്ല. എന്തൊക്കെ പറഞ്ഞാലും എത്രയൊക്കെ കണ്ടാലും വീണ്ടും സെല്ഫി എടുപ്പും അപകടവും ആവര്ത്തിച്ചു കൊണ്ടേയിരിക്കും. ഇതിന് ഉദാഹരണമാണ് കഴിഞ്ഞ ഏതാനും നാളുകള്ക്ക് മുന്പ് വൈറലായ ഒരു വീഡിയോ.
ട്രെയിന് പോകുന്തിനിടയില് സെല്ഫി എടുക്കാന് ശ്രമിക്കുന്ന യുവതികളാണ് വീഡിയോയിലുള്ളത്. വീഡിയോയില് റെയില്വേ ട്രാക്കിനടുത്തായി സെല്ഫിക്ക് പോസ് ചെയ്യുകയാണ് യുവതികള്. അതില് യുവതികള് കൈകള് ഉയര്ത്തുന്നതും തമ്പ്സ് അപ്പ് കാണിക്കുന്നതും ഒക്കെ കാണാം. അപകടം സംഭവിച്ച യുവതിയും തന്റെ കൈ ഉയര്ത്തി തമ്പ്സ് അപ്പ് കാണിക്കുകയാണ്. പെട്ടെന്നാണ് അതിലൂടെ വളരെ വേഗത്തില് ഒരു ട്രെയിന് കടന്നു പോയത്. അതിവേഗത്തില് കടന്നു പോയ ട്രെയിന് യുവതിയുടെ കയ്യില് ഇടിച്ചാണ് പോകുന്നത്. ഒരു നിമിഷം യുവതി ഷോക്കിലായിപ്പോയി. എന്നാല്, അപകടം നടന്നതിന് പിന്നാലെ യുവതികള് മൂവരും ചിരിക്കുന്നതാണ് വീഡിയോയില് കാണാന് സാധിക്കുന്നത്. മൂവരും ചിരിക്കുന്നുണ്ട് എങ്കിലും യുവതിക്ക് നല്ല വേദന സംഭവിച്ചു എന്നത് വ്യക്തമാണ്.
വലിയ ഒരു അപകടത്തില് നിന്നാണ് യുവതി രക്ഷപ്പെട്ടത് എന്ന് പറയേണ്ടിവരും. കൈക്ക് ഗുരുതര പരുക്ക് ഏറ്റിറ്റുണ്ടാകുമെങ്കിലും ജീവന് ഭീഷണിയാകുന്ന തരത്തില് ഒന്നും സംഭവിച്ചിട്ടില്ല എന്നതും ശ്രദ്ധേയമാണ്. വീഡിയോ വൈറലായതിന് പിന്നാലെ നിരവധിപ്പേരാണ് ഇത്തരം കാര്യങ്ങളിലെ അപകടങ്ങള് ചൂണ്ടിക്കാണിച്ചു കൊണ്ട് അതിന് കമന്റുകള് നല്കിയിരിക്കുന്നത്. എത്ര കണ്ടാലും എത്ര കേട്ടാലും ആളുകള് പഠിക്കില്ല എന്നാണ് മിക്കവരും കമന്റുകള് നല്കിയിരിക്കുന്നത്. ഇവര്ക്ക് തെല്ലും ബോധമില്ലേ എന്ന് ചോദിച്ചവരും ഉണ്ട്.
