കായികതാരങ്ങളുടെ വിവാഹവും അവരുടെ പ്രണയവുമെല്ലാം സിനിമാതാരങ്ങളുടേത് പോലെ ആഘോഷിക്കാറുണ്ട്. അക്കൂട്ടത്തില് മുന്പന്തിയിലായിരുന്നു ഇന്ത്യന് വനിതാ ടെന്നീസ് മുന്താരം സാനിയ മിര്സയും പാകിസ്ഥാന് ക്രിക്കറ്റ് ടീം മുന് ക്യാപ്റ്റ്ന് ഷൊയ്ബ് മാലിക്കും തമ്മിലുള്ള വിവാഹം. സാനിയ മിര്സ-ഷൊയ്ബ് മാലിക്ക് വിവാഹം ഇന്ത്യയിലും പാകിസ്ഥാനിലും ഏറെ ചര്ച്ചച്ചെയ്യപ്പെട്ടതാണ്. വിവാഹ ശേഷം പാകിസ്ഥാനിലോ ഇന്ത്യയിലോ ജീവിക്കാതെ ദുബായില് ജീവിക്കാനാണ് സാനിയ മിര്സയും ഷൊയ്ബ് മാലിക്കും തീരുമാനിച്ചത്. 2018 ല് ആണ് സാനിയ മിര്സയ്ക്കും ഷൊയ്ബ് മാലിക്കിനും ഇഹ്സാന് മിര്സ മാലിക്ക് എന്ന ആണ്കുഞ്ഞ് പിറന്നു. എന്നാല് കുറച്ചു നാളുകളായി ഇവരുടെ വിവാഹമോചന വാര്ത്തകള് പ്രചരിക്കുന്നുണ്ട്. പക്ഷേ ഇരുവരും വിവാഹ മോചന വാര്ത്തകളോട് ഇതുവരെ ഔദ്യോഗികമായി പ്രതികരിച്ചിട്ടില്ല. ഇവരോട് അടുപ്പമുള്ളവര് ഈ വാര്ത്ത സത്യമാണെന്ന തരത്തില് സംസാരിക്കുന്നുണ്ട്. കഴിഞ്ഞ വര്ഷം മകന് ഇഹ്സാന് മിര്സ മാലിക്കിന്റെ നാലാം ജന്മദിനാഘോഷത്തിന് പിന്നാലെയാണ് ഇരുവരും തമ്മില് സ്വരചേര്ച്ചയില് അല്ല എന്ന തരത്തില് റിപ്പോര്ട്ടുകള് പുറത്ത് വന്നത്. പിന്നീട് സാനിയ ഷൊയ്ബ് മാലിക്കിനൊപ്പമുള്ള ചിത്രങ്ങളൊന്നും തന്റെ സോഷ്യല് മീഡിയ അക്കൗണ്ടില് പങ്ക് വെച്ചിരുന്നില്ല. ഷൊയ്ബിന്റെ ജന്മദിനത്തിനും സാനിയ ആശംസകള് നേര്ന്നിരുന്നില്ല. ഷൊയ്ബ് മാലിക്കാകട്ടെ സാനിയ മിര്സയുടെ ജന്മദിനത്തിന് ആശംസകള് നേര്ന്ന്, ചിത്രം പങ്കുവച്ചു. ഇതിന് ശേഷം സാനിയ മിര്സയും ഷൊയ്ബ് മാലിക്കും ദി മിര്സ മാലിക് ഷോ എന്ന ഒരു പരിപാടിയുടെ ഭാഗമായി ഒന്നിച്ച് ഒരു വേദിയില് എത്തി. ഈ പരിപാടിയുടെ പോസ്റ്ററുകള് ഇരുവരും പങ്ക് വെച്ചത് ശ്രദ്ധിക്കപ്പെട്ടിരുന്നു. ഇപ്പോഴിതാ ഇഹ്സാന് മിര്സ മാലിക് കൈവരിച്ച നേട്ടത്തിന്റെ സന്തോഷം പങ്ക് വെച്ചിരിക്കുകയാണ് സാനിയയും ഷൊയബും. ഇഹ്സാന് അടുത്തിടെ നീന്തല് മത്സരത്തില് പങ്കെടുത്ത് മെഡല് നേടിയിരുന്നു. ഷൊയ്ബ് മാലിക് തന്റെ ഇന്സ്റ്റാഗ്രാം അക്കൗണ്ടിലൂടെയാണ് ഇക്കാര്യം അറിയിച്ചത്. ‘‘ബാബ നിന്നെ ഓർത്ത് അഭിമാനിക്കുന്നു...ആദ്യ മത്സരവും വിജയവും..’’ എന്ന് കുറിച്ചാണ് മകനൊപ്പമുള്ള ചിത്രം ഷൊയ്ബ് പങ്കിട്ടത്.
സാനിയയുടെ ഇന്സ്റ്റഗ്രാം അക്കൗണ്ടിലും ഇഹ്സാന്റെ നീന്തല് മത്സരത്തിന് ശേഷം ചിത്രങ്ങള് പോസ്റ്റ് ചെയ്തിട്ടുണ്ട്. ഇൻസ്റ്റാഗ്രാം സ്റ്റോറികളിൽ മകന്റെ നീന്തൽ മത്സരത്തിന്റെ ദൃശ്യങ്ങൾ സാനിയ മിർസ പങ്കുവച്ചു. എന്നാല് ഇത്തവണയും താരദമ്പതികള് ഒന്നിച്ചുള്ള ചിത്രം പങ്ക് വെച്ചിട്ടില്ല. അതോടെ വേര്പിരിയല് വാര്ത്തയ്ക്ക് കുറച്ചു കൂടി ശക്തി കൂടിയിട്ടുണ്ട്.
