മലയാള സീരിയല് പ്രേക്ഷകര്ക്ക്സുപരിചിതയായ താരമാണ് അര്ച്ചന സുശീലന്. എന്റെ മാനസപുത്രി എന്ന സീരിയലിലെ പ്രതിനായിക വേഷത്തിലൂടെ മലയാളികളുടെ പ്രിയങ്കരിയായി മാറിയ താരമാണ് അര്ച്ചന. ഗ്ലോറിയെന്ന താരത്തിന്റെ കഥാപാത്രം ഏറെ ജനശ്രദ്ധ നേടിയതാണ്. പിന്നീട് പല സീരിയലുകളിലും സിനിമകളിലും താരം അഭിനയിച്ചു. സോഷ്യല് മീഡിയയില് നിറഞ്ഞു നില്ക്കുന്ന താരം വിവാഹത്തോടെ അഭിനയത്തില് നിന്ന് ഇടവേളയെടുത്തിരിക്കുകയാണ്. ഇപ്പോഴിതാ തങ്ങള്ക്ക് ആദ്യത്തെ കണ്മണിയായി മകൻ ജനിച്ച സന്തോഷം പങ്കുവച്ചിരിക്കുകയാണ് താരം. ‘‘വീ ആര് ബ്ലെസ്ഡ് വിത്ത് എ ബേബി ബോയ് ഓണ് 28 ഡിസംബര്’’ എന്നാണ് കുഞ്ഞ് പിറന്ന സന്തോഷം കുറിച്ച് താരം സന്തോഷം പങ്കിട്ടിരിക്കുന്നത്. പ്രവീൺ ആണ് താരത്തിന്റെ ഭര്ത്താവ്. ഭർത്താവിനൊപ്പം കേക്ക് മുറിച്ച് ബേബി ഷവർ ആഘോഷമാക്കിയ ചിത്രങ്ങൾ താരം മുൻപ് പോസ്റ്റ് ചെയ്തിരുന്നു. അടുത്തിടെയാണ് താനൊരു അമ്മയാകാനൊരുങ്ങുന്നതിന്റെ സന്തോഷം താരം പങ്കുവച്ചത്. ബേബി ഷവര് ചടങ്ങിന്റെ ചിത്രങ്ങള് താരം ഇന്സ്റ്റഗ്രാമില് പോസ്റ്റ് ചെയ്തതിന്റെ താഴെ നിരവധി പേര് ആശംസകള് കുറിച്ചിരുന്നു.
സഹതാരങ്ങളും സുഹൃത്തുക്കളുമടക്കം എല്ലാവരും താരത്തിന്റെ പോസ്റ്റിന്റെ താഴെ കമന്റുകളിടുന്നുണ്ട്. ‘‘അഭിനന്ദനങ്ങൾ... ദൈവം നിങ്ങളെ രണ്ടുപേരെയും അനുഗ്രഹിക്കട്ടെ... ചെറിയ അത്ഭുതം കാണാൻ കാത്തിരിക്കാനാവില്ല...’’എന്നാണ് ബഡായി ബംഗ്ലാവിലൂടെ പ്രേക്ഷകര്ക്ക് പ്രിയങ്കരിയായ ആര്യ കമന്റിട്ടിരിക്കുന്നത്. അര്ച്ചനയുടെ സഹോദരനായ രോഹിത്തിനെയാണ് ആര്യ മുന്പ് വിവാഹം കഴിച്ചിരുന്നത്. വിവാഹമോചിതയാണെങ്കിലും ഇവരുടെ മകള് റോയയുടെ എല്ലാ സന്തോഷങ്ങളിലും ഇവര് ഒരുമിച്ചെത്താറുണ്ട്. രഞ്ജിനി ഹരിദാസ്, സാധിക വേണുഗോപാല്, ശരത്, ദീപന് എന്നിവരടങ്ങുന്ന മിക്ക താരങ്ങളും ആശംസകളും സന്തോഷവും പങ്കിട്ടിട്ടുണ്ട്.
