വിക്കിലീക്സ് സ്ഥാപകന് ജൂലിയന് അസാഞ്ജേയ്ക്ക് മാപ്പു കൊടുക്കണമെന്ന് ആവശ്യപ്പെട്ട് ഹോളിവുഡ് മാദകത്തിടമ്പ് അമേരിക്കന് പ്രസിഡന്റ് ബാരക് ഒബാമ യ്ക്ക് പമേലാ ആന്ഡേഴ്സന്റെ കത്ത്. കഴിഞ്ഞ വര്ഷം നടന്ന അമേരിക്കന് പ്രസിഡന്റ് തെരഞ്ഞെടുപ്പിനിടയില് ജൂലിയന് അസാഞേ്ജയുടെ വിക്കി ലീക്സ് വെബ്സൈറ്റ് ഡെമോക്രാറ്റിക് ഇ മെയില് ഹാക്ക് ചെയ്തിരുന്നു.
പ്രസിഡന്റ് തെരഞ്ഞെടുപ്പിനെ സ്വാധീനിക്കുന്ന രീതിയില് റഷ്യയ്ക്കെതിരേ ഇ മെയില് ഹാക്കിംഗുമായി ബന്ധപ്പെട്ട് ഉയര്ന്നിരിക്കുന്ന ആരോപണത്തില് നടക്കുന്ന അന്വേഷണം അവസാനിപ്പിക്കണമെന്ന ആവശ്യം ഉയര്ത്തിയാണ് 49 കാരി നടി കത്തെഴുതിയത്. നടി തന്റെ വെബ്സൈറ്റില് കത്ത് പോസ്റ്റ് ചെയ്തിട്ടുണ്ട്. അന്വേഷണം അവസാനിപ്പിക്കാന് ഉള്ള തീരുമാനം ഒബാമ എടുത്താല് സ്വീകരിക്കുമെന്ന് ബേവാച്ച് നടി പറയുന്നു.
ജൂലിയന് അസാഞ്ജിനെ ലോകം ഒരു മോശക്കാരനായിട്ടാണ് കാണുന്നതെങ്കിലും അദ്ദേഹം അങ്ങിനെയല്ല. സുരക്ഷയെ മറികടക്കുന്ന കാര്യത്തില് അയാള് ഒരു പ്രതിഭയാണ്. വിക്കിലീക്സ് വഴി അദ്ദേഹം പുറത്തുവിടുന്ന വിവരങ്ങള് സത്യവും നിയന്ത്രണാതീതവുമാണ്. ഇപ്പോഴത്തെ രാഷ്ട്രീയ കാലാവസ്ഥയില് ജൂലിയനും വിക്കിലീക്സും ഏറെ ആവശ്യകതയാണ്. സത്യം പറയുന്നവരെ മുമ്പത്തേക്കാളും ഇപ്പോള് ആവശ്യമുണ്ടെന്നും ആന്ഡേഴ്സണ് പറയുന്നു. അടിയന്തിരമായും മാനുഷീകമായും എല്ലാറ്റിനെയും സ്നേഹിക്കുക എന്ന നിലയിലും താങ്കളോട് അപേക്ഷിക്കുകയാണെന്ന് പറഞ്ഞ് തുടങ്ങുന്ന കത്തില് ലോകത്തുടനീളം രാഷ്ട്രീയ ലക്ഷ്യത്തിന് കീഴില് മാനുഷിക മൂല്യങ്ങളും മനുഷ്യാവകാശങ്ങളും ലംഘിക്കപ്പെടുകയാണെന്നും ഇത് ആര്ക്കും ഗുണകരമല്ലെന്നും പറയുന്നു. താങ്കളുടെ രാഷ്ട്രീയ ജീവിതത്തിന്റെ തുടക്കം ഓര്മ്മയുണ്ടോ എന്ന് ചോദിക്കുകയാണ്.
പ്രസിഡന്റ് എന്ന നിലയില് നിന്നും പടിയിറങ്ങുന്ന താങ്കള് ജൂലിയന് അസാഞ്ജിന് മാപ്പ് കൊടുത്താല് അതൊരു ധീരവും ഉദാത്തവുമായി നീക്കമായിരിക്കും. ഇക്കാര്യത്തില് നടക്കുന്ന അന്വേഷണങ്ങള് അവസാനിപ്പിക്കാനും ഞാന് ആവശ്യപ്പെടുന്നു. കുറേക്കാലമായി പമേലാ ആന്ഡേഴ്സണ് ജൂലിയന് അസാഞ്ജേയുമായി കടുത്ത സൗഹൃദത്തിലാണ്. ആന്ഡേഴ്സണ് ലണ്ടനില് ഉണ്ടായിരുന്ന കാലത്ത് അസാഞ്ജേയെ സന്ദര്ശിക്കുക പതിവായിരുന്നു. ഈ ആഴ്ച അവസാനത്തോടെ ഒബാമ അമേരിക്കന് പ്രസിഡന്റ് സ്ഥാനം വിടും.
ശസ്ത്രക്രിയയിലൂടെ മാറിട വലിപ്പം കൂട്ടുകയും പ്രകോപനമായ രീതിയിലുള്ള പ്രത്യക്ഷപ്പെടലിലൂടെ ലോകം മുഴുവന് ആരാധകരെ നേടുകയും ചെയ്ത പമേലയുടെ ആക്ഷന് ചിത്രം ബേവാച്ച് ഹോളിവുഡിലെ മികച്ച ഹിറ്റുകളില് ഒന്നാണ്. താരത്തിന് ഏറെ പ്രശസ്തി നേടിക്കൊടുത്ത സിനിമയുടെ അടുത്ത ഭാഗത്തില് എത്തുന്നത് ബോളിവുഡിലെ പ്രമുഖ നടിയും ഹോളിവുഡിലെ അടുത്ത കാലത്തെ ചൂടന് നായികമാരില് ഒരാളുമായ പ്രിയങ്കാ ചോപ്രായണ്.
