ജപ്പാനിലുണ്ടായ കനത്ത ഭൂകമ്പത്തില് 20 ലധികം പേര്ക്കാണ് ജീവന് നഷ്ടമായത്. കെട്ടിടങ്ങള്ക്ക് കേടുപാടുകള് സംഭവിക്കുകയും ചെയ്തു. ഞെട്ടിക്കുന്ന സംഭവത്തിന്റെ വീഡിയോയും വാര്ത്താചിത്രങ്ങളുമൊക്കെ നടുക്കം ഉണ്ടാക്കുന്നതാണ്. കൂറ്റന് ഭൂകമ്പത്തില് കുടുങ്ങേണ്ടിയിരുന്ന നമ്മുടെ സൂപ്പര്താരം ജൂനിയര് എന്ടിആര് മണിക്കൂറുകളുടെ വ്യത്യാസത്തില് രക്ഷപ്പെട്ടു.
ജപ്പാനില് അവധിയാഘോഷത്തിലായ ജൂനിയര് എന്ടിആര് തന്നെയാണ് വിവരം എക്സിലൂടെ പങ്കുവെച്ചിരിക്കുന്നത്. ജനുവരി 1 ന് രാത്രി ഏറെ വൈകിയായിരുന്നു ജപ്പാനില് ഭൂകമ്പം ഉണ്ടായത്. എന്നാല് അന്ന് നേരത്തേ താരം ഹൈദരാബാദില് ഇറങ്ങി. താരം മടങ്ങിയെത്തിയതിന് പിന്നാലെയാണ് ഭൂകമ്പവാര്ത്ത പുറത്തു വന്നത്. ജപ്പാനില് ഉണ്ടായ ഭൂകമ്പങ്ങളില് താന് അതീവ ദുഃഖിതനാണെന്നും അദ്ദേഹം എഴുതി. ഭൂചലനത്തിന് പിന്നാലെ സുനായി മുന്നറിയിപ്പും നല്കിയിരുന്നു.
ആയിരക്കണക്കിന് ആളുകളെയാണ് സുരക്ഷിത സ്ഥാനങ്ങളിലേക്ക് മാറ്റിയത്. സാധാരണഗതിയില് ഇടയ്ക്കിടെ രാജ്യത്തിന് പുറത്ത് കറങ്ങാന് പോകുന്ന ജൂനിയര് എന്ടിആറും കുടുംബവും ഇത്തവണ ക്രിസ്മസും ന്യൂ ഇയറും ചെലവഴിക്കാന് തെരഞ്ഞെടുത്തത് ജപ്പാനായിരുന്നു. ഭാര്യ ലക്ഷ്മി പ്രണതി, രണ്ട് മക്കളായ അഭയ്, ഭാര്ഗവ് എന്നിവരും അദ്ദേഹത്തോടൊപ്പം ഉണ്ടായിരുന്നു. .
''ജപ്പാനില് നിന്ന് ഇന്ന് നാട്ടിലേക്ക് മടങ്ങി, ഭൂകമ്പത്തില് ഞെട്ടിപ്പോയി. കഴിഞ്ഞ ആഴ്ച മുഴുവന് അവിടെ ചെലവഴിച്ചു, ബാധിച്ച എല്ലാവരോടും എന്റെ ഹൃദയം നിറഞ്ഞിരിക്കുന്നു. ജനങ്ങളുടെ സഹിഷ്ണുതയ്ക്ക് നന്ദി. വേഗത്തില് സുഖം പ്രാപിക്കുമെന്ന് പ്രതീക്ഷിക്കുന്നു. ശക്തമായി തുടരുക, ജപ്പാന്.' ജനുവരി 2-ന്, ജൂനിയര് എന്ടിആര് എക്സില് എഴുതി.
രണ്ട് ഭാഗങ്ങളായി പുറത്തിറങ്ങുന്ന സംവിധായകന് കൊരട്ടാല ശിവയുടെ 'ദേവര'യുടെ തിരക്കിലാണ് ജൂനിയര് എന്ടിആര്. 2023 ക്രിസ്മസ്, ന്യൂ ഇയര് സമയത്ത് താരം ജോലിയില് നിന്ന് ചെറിയ ഇടവേള എടുത്തിരുന്നു. ജനുവരി 1 ന്, 'ദേവര'യുടെ നിര്മ്മാതാക്കള് ഒരു പുതിയ പോസ്റ്റര് സമ്മാനിച്ചു, സിനിമയുടെ ഫസ്റ്റ്ലുക്ക് ജനുവരി 8 ന് റിലീസ് ചെയ്യുമെന്ന് വാഗ്ദാനം ചെയ്തു. 'ദേവര'യുടെ ആദ്യ ഭാഗം ഏപ്രില് 5 ന് തിയേറ്ററുകളില് റിലീസ് ചെയ്യും. ജൂനിയര് എന്ടിആറിന് പുറമെ ജാന്വി കപൂറും സെയ്ഫ് അലി ഖാനും പ്രധാന വേഷങ്ങളില് എത്തുന്നു.
