ദീദിയെ കണ്ടപാടെ ഓടിവന്നു, കെട്ടിപിടിച്ചു, കുശലം ചോദിച്ചു - സൽമാനും ഉഷ ഉതുപ്പും തമ്മിലുള്ള കൂടിക്കാഴ്ച്ച സ്നേഹനിർഭരം

ബോളിവുഡിന്റെ പ്രിയ താരമാണ് സൽമാൻ ഖാൻ. ആരാധകരുടെ സ്വന്തം സല്ലു ഭായ് ആയ താരം മുതിർന്ന സഹപ്രവർത്തകരോടും താരങ്ങളോടും എന്നും എപ്പോഴും സ്നേഹവും ബഹുമാനവും കാണിക്കാറുണ്ട്. ഇപ്പോഴിതാ മലയാളികളുടെയുൾപ്പെടെ പോപ് സംഗീതസ്വരമായി വേദികൾ കീഴടക്കിയ, രാജ്യം പത്മശ്രീ നൽകി ആദരിച്ച ഉഷ ഉതുപ്പിനെ കണ്ട സന്തോഷം പ്രകടമാക്കുന്ന സൽമാന്റെ വീഡിയോ ആണ് സോഷ്യൽ മീഡിയയിൽ വൈറൽ ആകുന്നത്. തിരക്കുകൾക്കിടയിൽ നടന്നു പോകുന്ന സൽമാൻ ഉഷ ഉതുപ്പിനെ കാണുന്നതും ഓടി വരുന്നതും കെട്ടിപിടിക്കുന്നതും കുശലം ചോദിക്കുന്നതും വിഡിയോയിലുണ്ട്. വിഡിയോ ഏറ്റെടുത്തിരിക്കുകയാണ് ആരാധകർ.