ഓക്ലാന്റ്: പാകിസ്താനെതിരേ തകര്പ്പന് ബാറ്റിംഗുമായി ന്യൂസിലന്റ് ഓപ്പണര് ഫിന് അലന്. ടി20 പരമ്പരയിലെ മൂന്നാമത്തെ മത്സരത്തില് കുട്ടിക്രിക്കറ്റിലെ അതിവേഗ സെഞ്ച്വറികളില് ഒന്ന് അടിച്ചുകൂട്ടിയ ഫിന് അലന്റെ ബലത്തില ബുധനാഴ്ച ഡുനെഡിനില് പാക്കിസ്ഥാനെതിരായ മൂന്നാം ടി20യും ന്യൂസിലന്റ് 45 റണ്സിന് സ്വന്തമാക്കി. ഈ ജയത്തോടെ ന്യൂസിലന്റ് അഞ്ച് മത്സരങ്ങളുടെ പരമ്പര പിടിച്ചു.
ആദ്യം ബാറ്റ് ചെയ്ത ന്യൂസിലന്റിനായി 67 പന്തുകളില് 137 റണ്സാണ് ഫിന് അലന് അടിച്ചുകൂട്ടിയത്. ടി20 ഫോര്മാറ്റില് ഒരു ന്യൂസിലന്ഡ് ബാറ്ററുടെ ഏറ്റവും ഉയര്ന്ന സ്കോര് നേടിയ കളിക്കാരനായി മാറിയ അലന് മറികടന്നതാകട്ടെ സാക്ഷാല് ബ്രണ്ടന് മക്കല്ലത്തെ. മാത്രമല്ല, ഒരു ഇന്നിംഗ്സില് അഫ്ഗാനിസ്ഥാന്റെ ഹസ്രത്തുള്ള സസായിയുടെ പേരിലുള്ള 16 സിക്സുകളുടെ ലോക റെക്കോര്ഡിനൊപ്പമെത്താനും അലന് കഴിഞ്ഞു. അഞ്ചു ബൗണ്ടറികളും നേടി. പാകിസ്ഥാന് ബൗളര് ഹാരിസ് റൗഫിന്റെ ഒരോവറില് 27 റണ്സ് എടുക്കാനുമായി.
ടോസ് നേടിയ പാകിസ്ഥാന് ആദ്യം ബൗളിംഗ് തിരഞ്ഞെടുക്കുകയായിരുന്നു. എന്നാല് വെടിക്കെട്ട് കെട്ടഴിച്ച ഫിന് അലന്റെ മികവില് അവര് അടിച്ചുകൂട്ടിയത് 20 ഓവറില് ഏഴു വിക്കറ്റ് നഷ്ടത്തില 224 റണ്സായിരുന്നു. പാകിസ്താന്റെ മറുപടി 179 ല് അവസാനിച്ചു. ന്യൂസിലന്റിനായി 23 പന്തില് 31 റണ്സ് എടുത്ത ടിം സെയ്ഫെര്ട്ടും തിളങ്ങി. പാകിസ്താന്റെ ബാബര് അസം 37 പന്തുകളില് 58 റണ്സ് അടിച്ചിരുന്നു.
ആദ്യ രണ്ട് മത്സരങ്ങളും യഥാക്രമം 46, 21 റണ്സിന് ജയിച്ച ആതിഥേയര് മൂന്നാം മത്സരം കൂടി ജയിച്ചതോടെ പരമ്പര നേടി. ന്യൂസിലന്റ് പരിക്കേറ്റ നായകന് ക്യാപ്റ്റന് കെയ്ന് വില്യംസണില്ലാതെയാണ്, മൂന്നാം മത്സരത്തില് ഇറങ്ങിയത്. ടിം സെയ്ഫെര്ട്ട് വില്യംസണിന് പകരം ടീമില് എത്തി. ഡുനെഡിന്സ് യൂണിവേഴ്സിറ്റി ഓവലില് 15 രാജ്യാന്തര മത്സരങ്ങളില് ഇതുവരെ ന്യൂസിലന്ഡ് തോറ്റിട്ടില്ല. അഞ്ച് മത്സരങ്ങളുടെ പരമ്പരയില് ആതിഥേയര് 2-0ന് മുന്നിലാണ്, ജയത്തോടെ പരമ്പര സ്വന്തമാക്കാനാണ് ആതിഥേയരുടെ ശ്രമം.
