നർത്തകിയും അഭിനേത്രിയും അവതാരകയും ഒക്കെയായ സ്വാസികയുടെയും ടെലിവിഷൻ താരവും മോഡലുമായ പ്രേം ജേക്കബും തമ്മിലുള്ള വിവാഹമാണ് സോഷ്യൽ മീഡിയയിൽ ട്രെൻഡിംഗ് ആകുന്നത്. ദീർഘനാളത്തെ പ്രണയത്തിനു ശേഷമാണ് ഇരുവരും വിവാഹിതരായത്. വിവാഹ റിസപ്ഷനില് നിരവധി താരങ്ങളും എത്തിയിരുന്നു. ഇപ്പോഴിതാ സ്വാസികയ്ക്കും പ്രേമിനും ആശംസകള് നേരാൻ ഒരേ സമയം എത്തിയ സുരേഷ് ഗോപിയും ശ്വേതാ മേനോനും ഒരുമിച്ചുള്ള ഒരു ഡാൻസ് വീഡിയോ ആണ് വൈറൽ ആകുന്നത്. ശ്വേതയെ കണ്ടപ്പോൾ സുരേഷ് ഗോപി കെട്ടിപ്പിടിച്ചു, എന്നിട്ട് രണ്ടാളും ഒരുമിച്ചു കിടിലൻ ഡാൻസും കളിച്ചു. ഇരുവരുടെയും സ്നേഹപ്രകടനങ്ങളാണ് രസകരമായ നിമിഷങ്ങള് സമ്മാനിച്ചത്. ഇരുവരും കെട്ടിപ്പിടിച്ചാണ് തങ്ങളുടെ സ്നേഹം പങ്കുവെച്ചത്, കെട്ടിപ്പിടുത്തം ഡാൻസ് ആയി മാറിയപ്പോള് കാഴ്ചക്കാരില് ചിരി പടർത്തി. ശ്വേതയും സോഷ്യൽ മീഡിയയിലൂടെ ഈ വീഡിയോ പങ്കുവച്ചിട്ടുണ്ട്.
