ഭാരതത്തിലെ രണ്ടാമത്തെ ഉയര്ന്ന സിവിലിയന് ബഹുമതിയായ പത്മവിഭൂഷണ് സ്വന്തമാക്കിയിരിക്കുകയാണ് തെലുങ്ക് മെഗാസ്റ്റാര് ചിരഞ്ജീവി. സഹപ്രവര്ത്തകരില് നിന്നും ആരാധകരില് നിന്നും ധാരാളം പേര് താരത്തെ പ്രശംസിച്ച് എത്തിയിരുന്നു.
ഇപ്പോഴിതാ പിതാവിന് ആശംസകള് അറിയിച്ച് രാം ചരണ് സമൂഹമാദ്ധ്യമങ്ങളില് പങ്കുവച്ച കുറിപ്പാണ് ശ്രദ്ധനേടുന്നത്. 'ചിരഞ്ജീവിയ്കക്ക് അഭിമാനകരമായ 'പത്മവിഭൂഷണ്'! ഇന്ത്യന് സിനിമയ്ക്കും സമൂഹത്തിനും നിങ്ങള് നല്കിയ സംഭാവനകള് എന്നെ രൂപപ്പെടുത്തുന്നതിലും എണ്ണമറ്റ ആരാധകരെ പ്രചോദിപ്പിക്കുന്നതിലും ഒരു പ്രധാന പങ്ക് വഹിച്ചിട്ടുണ്ട്. നിങ്ങള് ഈ മഹത്തായ രാഷ്ട്രത്തിലെ കുറ്റമറ്റ പൗരനാണ്.. ഈ ബഹുമതിക്കും അംഗീകാരത്തിനും ഇന്ത്യന് സര്ക്കാരിനും നരേന്ദ്ര മോദിജിക്കും അങ്ങേയറ്റം നന്ദി.' രാംചരണ് കുറിച്ചു.
സംവിധായകന് എസ് എസ് രാജമൗലി, ജൂനിയര് എന് ടി ആര്, രവി തേജ, അല്ലു അര്ജുന്, മഹേഷ് ബാബു, നാഗാര്ജുന തുടങ്ങിയ താരങ്ങളും ചിരഞ്ജീവിയ്ക്ക് സോഷ്യല് മീഡിയയില് ആശംസകള് പങ്കുവച്ചിരുന്നു.
