അധികം കഠിന പ്രയത്നം നടത്താതെ എങ്ങനെ പണം സമ്പാദിക്കാം എന്ന് ചിന്തിക്കുന്നവരാണ് ഭൂരിഭാഗം ആളുകളും. എന്നാല് ഇതിനായി ഏത് കുരുട്ട് ബുദ്ധിയും പ്രയോഗിക്കുന്ന ആളുകളാണ് നമ്മള് ഇന്ത്യക്കാര്. കാശുണ്ടാക്കാനുള്ള ചിലരുടെ ഐഡിയ ഒക്കെ കണ്ടാല് ഇതൊക്കെ എങ്ങനെ സാധിക്കുന്നു എന്ന് പോലും നാം ചോദിച്ചുപോകാറുണ്ട്. അതുപോലെ ഒരു ഐഡിയയാണ് ഇപ്പോള് എക്സില് വൈറലാകുന്നത്. സംഗതി വളരെ സിംപിളാണ് എന്നാല് പവര്ഫുള്ളുമാണ്. ഒരു കടയുടെ മുന്നില് വച്ചിരിക്കുന്ന അറിയിപ്പ് തന്നെയാണ് നെറ്റീസണ്സിന്റെ ശ്രദ്ധ തിരിച്ചത്.
@Raghav Masoom എന്ന എക്സ് അക്കൗണ്ടാണ് ചിത്രം പങ്കുവച്ചിരിക്കുന്നത്. 'ദിസ് ഈസ് ബിസിനസ്' എന്ന അടികുറിപ്പോടുകൂടിയാണ് ചിത്രം പങ്കുവച്ചിരിക്കുന്നത്. അതില് കടപോലെ തോന്നിക്കുന്ന ഒരു കെട്ടിടത്തില് ഒരാള് ഇരിക്കുന്നത് കാണാം. അയാള് ഒരു കസേരയില് ഇരുന്ന് ഉറങ്ങുകയാണ്. കെട്ടിടത്തിന് മുകളിലായി ഒരു അറിയിപ്പും കാണാം. അത് വേറൊന്നുമല്ല. ' വിലാസം പറഞ്ഞു തരണമെങ്കില് 10 രൂപ നല്കണം' എന്നാണ്. എന്തായാലും കടയില് ഇരിക്കുന്ന ആള് ഒരുപാട് ആളുകള്ക്ക്് വഴി പറഞ്ഞുകൊടുത്ത് മടുത്തു എന്ന് തന്നെയാണ് തോന്നുന്നത്. എങ്ങോട്ടോ പോവണമെങ്കില് ഇവിടെ നിന്നും വഴി ചോദിക്കാതെ മറ്റ് വഴിയുണ്ടാവില്ല എന്നാണ് സാരം.
ഏതായാലും നിമിഷ നേരങ്ങള്ക്കുള്ളിലാണ് ചിത്രം വൈറലായത്. നിരവധി ആളുകളാണ് ചിത്രത്തിന് രസകരമായ കമന്റുകളുമായി രംഗത്തെത്തിയത്. ഗൂഗിള് മാപ്പ് മൂലയിലിരുന്ന് കരയുന്നുണ്ട്' എന്നാണ്. മറ്റ് ചിലര് അദ്ദേഹത്തെ വിശേഷിപ്പിച്ചത്, 'ഹ്യുമന് ഗൂഗിള് മാപ്പ്' എന്നാണ്. ഒരാള് കമന്റ് നല്കിയത്, ഗൂഗിള് മാപ്പ് ലൈറ്റ് പ്രീമിയം സബ്സ്ക്രിപ്ഷന്' എന്നാണ്. എന്നാല്, ഇത് ആദ്യമായിട്ടല്ല ഇങ്ങനെ ഒരു ചിത്രം സോഷ്യല് മീഡിയയില് ശ്രദ്ധയാകര്ഷിക്കുന്നത്. നേരത്തെ സമാനമായ ഒരു ബോര്ഡ് സോഷ്യല് മീഡിയയില് വൈറലായിരുന്നു. അതില് പറയുന്നത്, വഴി പറഞ്ഞ് കൊടുക്കാന് അഞ്ചുരൂപാ, അങ്ങോട്ട് ആളുകളെ എത്തിക്കാന് 10 രൂപാ എന്നാണ്.
This is business pic.twitter.com/8MKBz9EpAJ
— Raghav Masoom (@comedibanda) February 1, 2024
