ഒഡീഷ: ട്രെയിന് യാത്രികന്റെ മൊബൈല് ഫോണ് മോഷ്ടിച്ചെന്നാരോപിച്ച് ഭിന്നശേഷിയുള്ള ആളെ ആര്പിഎഫ് ജവാന്മാര് റെയില്വേ പ്ലാറ്റ്ഫോമിലിട്ട് ചവിട്ടിമെതിച്ചു. ഊന്നുവടിയുടെ സഹായത്തോടെ മാത്രം നടക്കാന് ശേഷിയുള്ള ആളെയാണ് ഒരു ദയയുമില്ലാതെ ആളുകള് നോക്കിനില്ക്കെ ജവാന്മാര് ചവിട്ടിമെതിച്ചത്.
മൊബൈല് ഫോണ് മോഷ്ടിച്ചെന്ന് ആരോപിച്ച് മറ്റ് യാത്രികര് ഇയാളെ പിടിച്ച് ആര്പിഎഫ് ജവാന്മാര്ക്ക് കൈമാറിയെന്നാണ് റെയില്വേ വൃത്തങ്ങള് നല്കുന്ന വിവരം. മോഷ്ടിച്ച മൊബൈല് ഇയാളില് നിന്നും പിടിച്ചെടുത്തെന്നും റിപ്പോര്ട്ടുകളുണ്ട്.
ജവാന്മാര്ക്കെതിരെ കര്ശന നടപടി ആവശ്യപ്പെട്ട് സാമുഹ്യ പ്രവര്ത്തകന് ജയന്ത് ദാസ് ഒഡീഷയിലെ മനുഷ്യാവകാശ കമ്മീഷനെ സമീപിച്ചു. സംഭവം വിവാദമായതോടെ കേന്ദ്ര റെയില് മന്ത്രി സുരേഷ് പ്രഭു അന്വേഷണത്തിന് ഉത്തരവിട്ടു.
കടപ്പാട: ടൈംസ് നൗ
