തിരുവനന്തപുരം: കേരളത്തില് അനേകര്ക്ക് ആശ്വാസം നല്കുന്ന സാമൂഹ്യസുരക്ഷാപെന്ഷന് അടുത്ത സാമ്പത്തികവര്ഷം മുതല് സമയബന്ധിതമായി നടപ്പാക്കുമെന്ന് ധനകാര്യമന്ത്രി. രണ്ടാം പിണറായി സര്ക്കാരിന്റെ മൂന്നാം ബജറ്റിലാണ് ധനമന്ത്രിയുടെ പ്രഖ്യാപനം.
അതേസമയം സാമൂഹ്യസുരക്ഷാ പെന്ഷനില് തുക കൂട്ടിയിട്ടില്ല. മികച്ച രീതിയില് പെന്ഷന് നല്കുന്ന സംസ്ഥാനമാണ് കേരളമെന്നും നല്കാന് വൈകുന്നത് കേന്ദ്രത്തിന്റെ സമീപനം മൂലമാണെന്നും പറഞ്ഞു. ക്ഷേമപെന്ഷന് സമയബന്ധിതമായി നല്കാന് കേന്ദ്രം അനുവദിക്കുന്നില്ല. കൃത്യമായി നല്കാതെ സര്ക്കാരിനെ ബുദ്ധിമുട്ടിക്കുകയാണെന്നും പറഞ്ഞു.
സര്ക്കാര് ജീവനക്കാര്ക്ക് ആശ്വാസം. സര്ക്കാര് ജീവനക്കാരുടെ ഡിഎ കുടിശികയില് ഒരു ഗഡു ഏപ്രിലിലെ ശമ്പളത്തില് കൊടുക്കും. ആറു ഗഡുവാണ് നിലവില് കുടിശ്ശിക. പങ്കാളിത്ത പെന്ഷന് പകരം പുതിയ പദ്ധതി. മറ്റ് സംസ്ഥാനങ്ങളെ മാതൃകയാക്കും. പങ്കാളിത്ത പെന്ഷന് പദ്ധതി പുന:പരിശോധിക്കും. ഇതിനായി പ്രത്യേക സമിതിയെ നിയോഗിക്കും. സര്ക്കാര് ജീവനക്കാര്ക്ക് പുതിയ പെന്ഷന് പദ്ധതി നടപ്പാക്കും.
