ആളുകള്ക്ക് ഏറെ പ്രിയപ്പെട്ട ദമ്പതികളാണ് ഐ.എ.എസ് ഡോ. ദിവ്യ എസ് അയ്യരും മുന് എം.എല്.എ എസ് ശബരിനാഥും.സോഷ്യല് മീഡിയയില് സജീവമായ ഇവര് തങ്ങളുടെ ജീവിതത്തിലെ സുന്ദരമായ നിമിഷങ്ങളെല്ലാം പങ്കുവെക്കാറുണ്ട്. ഇപ്പോഴിതാ പ്രണയദിനത്തില് ദമ്പതികള് പങ്കുവെച്ച ഒരു പോസ്റ്റാണ് ശ്രദ്ധ നേടുന്നത്.
ഇരുവരും ഒരു വാഴയുടെ അടുത്ത് നില്ക്കുന്നതായി ചിത്രത്തില് കാണാം. ‘ഹാപ്പി വാഴന്റിന് ഡേ , പ്രണയദിനത്തില് ഇത്രയും മനോഹരമായ ഒരു ഗിഫ്റ്റ് സ്വപ്നത്തില് മാത്രം ’എന്നാണ് ചിത്രത്തിന് ക്യാപ്ഷന് നല്കിയിരിക്കുന്നത്.
ഇതില് ആര് ആര്ക്കാണ് വാഴ സമ്മാനമായി നല്കിയത് എന്നത് വ്യക്തമല്ല. ഏതായാലും പോസ്റ്റിനു താഴെ നിരവധിപേര് ആശംസകളുമായെത്തുന്നുണ്ട്. അതും റൊമാന്സാക്കി.. അല്ലെങ്കിലും വല്ലഭനും പുല്ലും ആയുധമാണല്ലോ ,അത് കലക്കി ,ഈ ദിനത്തില് രണ്ടുപേര്ക്കും ആശംസകള് അങ്ങനെ നീളുന്നു കമന്റുകള്.
2017 ലായിരുന്നു ദിവ്യ എസ്. അയ്യരും കെ.എസ് ശബരീനാഥനും വിവാഹിതരായത്. കേരളത്തിലെ ആദ്യത്തെ എംഎല്എ-ഐഎഎസ് ദമ്പതികളായിരുന്നു ഇവര്. 2019 ല് കുഞ്ഞു മല്ഹാര് ഇവരുടെ ജീവിതത്തിലേക്ക് എത്തി.
വളരെ തിരക്കുളള ഔദ്യോഗിക ജീവിതമാണെങ്കിലും കുഞ്ഞു മല്ഹറിനൊപ്പം ചെലവഴിക്കാന് ദിവ്യ ഐഎഎസ് സമയം കണ്ടെത്താറുണ്ട്. അതിന്റെ വീഡിയോകളും ചിത്രങ്ങളും സോഷ്യല് മീഡിയയിലും പങ്കുവെക്കാറുമുണ്ട്.
