ടീം ഇന്ത്യയില് സര്ഫറാസ് ഖാന്റെ അരങ്ങേറ്റ മത്സരം കാണാനെത്തി താരത്തിന്റെ ഭാര്യ റൊമാന ജാഹുര്. താരത്തിന് ടെസ്റ്റ് ടീം തൊപ്പി ലഭിച്ച സന്തോഷത്തില് ഗ്രൗണ്ടിന് സമീപത്തെത്തിയ റൊമാന ജാഹൂറിന്റെ കണ്ണുകള് സന്തോഷം കൊണ്ട് നിറഞ്ഞൊഴുകി. ഭാര്യയുടെ കണ്ണുനീര് തുടച്ച സര്ഫറാസ് കെട്ടിപ്പിടിച്ചാണ് റൊമാനയെ ആശ്വസിപ്പിച്ചത്.
കഴിഞ്ഞ വര്ഷം ഓഗസ്റ്റിലായിരുന്നു കശ്മീര് സ്വദേശിനിയായ റൊമാന ജാഹുറും സര്ഫറാസും വിവാഹിതരായത്. ടെസ്റ്റ് ക്രിക്കറ്റില് കളിക്കുന്ന ഇന്ത്യയുടെ 311 ാമത്തെ താരമാണ് സര്ഫറാസ് ഖാന്. രാജ്കോട്ടിലെ നിരഞ്ജന് ഷാ ക്രിക്കറ്റ് സ്റ്റേഡിയത്തില്വെച്ച് മുന് ഇന്ത്യന് ക്യാപ്റ്റന് അനില് കുംബ്ലൈയാണ് സര്ഫറാസിന് ടെസ്റ്റ് ക്യാപ് സമ്മാനിച്ചത്.
സര്ഫറാസിന്റെ മതഏസരം കാണാന് താരത്തിന്റെ കുടുംബം മുഴുവന് രാജ്കോട്ട് സ്റ്റേഡിയത്തിലെത്തിയിട്ടുണ്ട്. സര്ഫറാസിന്റെ പിതാവ് നൗഷാദ് ഖാനും താരത്തിന് ടെസ്റ്റ് ക്യാപ് ലഭിച്ചപ്പോള് വിതുമ്പിയിരുന്നു. ഇന്ത്യന് ടീമിന്റെ തൊപ്പിയില് നൗഷാദ് ഖാന് ഉമ്മ വെക്കുന്ന ദൃശ്യങ്ങള് സമൂഹമാധ്യമങ്ങളില് വൈറലാണ്.
സര്ഫറാസ് ഖാനു പുറമെ വിക്കറ്റ് കീപ്പര് ബാറ്റര് ധ്രുവ് ജുറലും ഇന്ത്യക്കായി അരങ്ങേറ്റ മത്സരം കളിക്കുന്നുണ്ട്. രവീന്ദ്ര ജഡേജ , മുഹമ്മദ് സിറാജ് എന്നിവരും ടീമിലേക്ക് മടങ്ങിയെത്തി.
Sarfaraz Khan hugging his wife after receiving the Test cap.
- A lovely picture. pic.twitter.com/uQftdx1geC— Johns. (@CricCrazyJohns) February 15, 2024
