ആലപ്പുഴ : വാര്ത്ത സമ്മേളനം വിളിച്ചു കുഴപ്പത്തിലായി ആലപ്പുഴ ജില്ലാ പഞ്ചായത്ത് പ്രസിഡന്റ്. ഏറെ വിവാദമായ ആലപ്പുഴ ജില്ലാ പഞ്ചായത്ത് അംഗങ്ങളുടെ കാശ്മീര് പര്യടനത്തെ ന്യായീകരിക്കാന് വാര്ത്താ സമ്മേളനം വിളിച്ച് ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരിയാണ് കുഴപ്പത്തിലായത് . കാശ്മീരിലെ അധികാര വികേന്ദ്രീകരണത്തെപ്പറ്റി പഠിക്കാനാണ് പോയതെന്നും അവിടെ ചെന്നപ്പോഴാണ് കാശ്മീരില് നിന്നും ഒന്നും പഠിക്കാനില്ലെന്നാണ് മനസിലായതെന്നു പ്രസിഡന്റ് കെ.ജി.രാജേശ്വരി വാര്ത്തസമ്മേളനത്തില് പറഞ്ഞു. ഓഡിറ്റ് വകുപ്പിന്റെ പരിശോധന റിപ്പോര്ട്ടില് ഇതേപ്പറ്റി വന് വിമര്ശനം ഉയരുകയും ജില്ലാ പഞ്ചായത്തിനെ കുറ്റപ്പെടുത്തുകയും ചെയ്തതിരുന്നു.
2022 നവംബര് 25 മുതല് ഡിസംബര് ഒന്നുവരെയാണ് ആലപ്പുഴ ജില്ലാ പഞ്ചായത്തിലെ 20 അംഗങ്ങളും 5 ഉദ്യോഗസ്ഥരും നികുതിപ്പണം ചെലവിട്ട് കാശ്മീരിലേയ്ക്ക യാത്ര നടത്തിയത്. കില നല്കിയ പണത്തിന് പുറമേ പഞ്ചായത്ത് ഗ്രാന്റ് കൂടി വിനോയഗിച്ചാണ് യാത്ര പോയത്. ട്രെയിനില് പോകാന് അനുമതി ഇരിക്കേ വിമാനത്തിലായിരുന്നു ജില്ലാ പഞ്ചായത്ത് അംഗങ്ങളുടെ യാത്ര. കാശ്മീര് പരട്യനം കൊണ്ട് നാടിന് ഗുണം ഉണ്ടായോ എന്ന ചോദ്യത്തിന്'' ഒരു ജില്ലാ പഞ്ചായത്ത് അംഗത്തിന്റെ് മറുപടി തന്റെ വാര്ഡില് കുട്ടവഞ്ചി സവാരി തുടങ്ങാന് തീരുനമാനിച്ചെന്നായിരുന്നു മറുപടി.
കാശ്മീര് വിവാദം കത്തി നില്ക്കേ അടുത്തകാലത്ത് മറ്റൊരു യാത്ര കൂടി പഞ്ചായത്ത് അംഗങ്ങള് നടത്തി. കഴിഞ്ഞ ഏഴാം തീയ്യതി ബജറ്റ് അവതരിപ്പിച്ചതിന് ശേഷം 17 ജില്ലാ പഞ്ചായത്ത അംഗങ്ങള് രാജസ്ഥാനിലേയക്കായിരുന്നു യാത്ര.
