അഭിനേത്രിയും അവതാരകയുമായ പേര്ളി മാണി പ്രേക്ഷകര്ക്ക് ഏറെ സുപരിചിതയായ താരമാണ്. ബിഗ്ബോസിലൂടെ മത്സരാര്ത്ഥികളായി എത്തിയ പേര്ളിയും ശ്രീനിഷും പ്രണയത്തിലൂടെ ജീവിതത്തില് ഒന്നായപ്പോള് പ്രേക്ഷകരത് ആഘോഷമാക്കി. പ്രേക്ഷകരുടെ മുന്നിലൂടെ തുടങ്ങിയ പേളി-ശ്രീനിഷ് പ്രണയവും അതിനു ശേഷമുള്ള അവരുടെ വിശേഷങ്ങളുമെല്ലാം യൂട്യൂബ് ചാനലിലൂടെയും സോഷ്യല് മീഡിയ പ്ലാറ്റ്ഫോമിലൂടെയും ഇവര് പങ്കുവയ്ക്കാറുണ്ട്. പേളിയുടെ ഗര്ഭകാലവും മകള് നിളയുടെ ഓരോ വിശേഷങ്ങളും സോഷ്യല് മീഡിയയില് തരംഗമായതാണ്. നിള ബേബിക്ക് കൂട്ടായി ഒരു കുഞ്ഞനിയത്തി എത്തിയ വിശേഷം ഇവർ അറിയിച്ചിരുന്നു. കുഞ്ഞിന്റെ ചിത്രവും പേർളി പങ്കുവച്ചിരുന്നു. ഇൻസ്റ്റഗ്രാമിലൂടെയാണ് പേളി കുഞ്ഞിന്റെ വിശേഷങ്ങള് ആരാധകരുമായി പങ്കുവെച്ചത്. ഇപ്പോഴിതാ കുഞ്ഞനിയത്തി നിതാരയെ കൈയിലെടുത്തുള്ള നിളയുടെ ചിത്രമാണ് പേർളി പങ്കിട്ടിരിക്കുന്നത്. ‘‘നിള & നിതാര...ദൈവം തിരഞ്ഞെടുത്ത ആജീവനാന്ത സുഹൃത്തുക്കള്, ജീവിതത്തിലെ ബെസ്റ്റികളും സഹോദരിമാരും... ചിത്രത്തിന് മുമ്പും ശേഷവും.... കാണാൻ സ്വൈപ്പ് ചെയ്യുക...അത്...’’ എന്ന ക്യാപ്ഷന് നല്കിയാണ് പേര്ളിയും ശ്രീനിഷും ഈ ക്യൂട്ട് ചിത്രങ്ങള് പങ്കിട്ടത്.
