ഹൈദരാബാദ്; മകള് നല്ല സാമ്പത്തിക സ്ഥിതിയുള്ളതിനാല് പിതാവ് സ്വയം സമ്പാദിച്ച സ്വത്തില് അവകാശം ഉന്നയിക്കാന് കഴിയില്ലെന്ന് പറയാനാവില്ലായെന്ന് തെലുങ്കാന ഹൈക്കോടതി. സഹോദരനായിരുന്നു സഹോദരിക്കെതിരെ പരാതിയുമായി കോടതിയെ സമീപിച്ചത്. സഹോദരിക്ക് സാമ്പത്തിക സ്ഥിതിയുള്ളതാണെന്നും പിതാവിന് പാരമ്പര്യമായി ലഭിച്ചതല്ല പകരം സ്വയം സമ്പാദിച്ചതായതിനാല് സ്വത്ത് നല്കാനാവില്ലായെന്നുമായിരുന്നു വാദം. എന്നാല് മകള്ക്ക് സാമ്പതിക സ്ഥിതിയുണ്ടങ്കിലും പിതാവിന്റെ സ്വത്തില് അവകാശം ഉന്നയിക്കുന്നത് തടയാന് കഴിയില്ലായെന്നായിരുന്നു കോടതി നിരീക്ഷണം. എന്നാല് മകളുടെ വിവാഹത്തിന്റെ സമയത്ത് വിവാഹ സമ്മാനമായി സ്വര്ണവും സ്വത്തിന്റെ ഒരു ഭാഗവും നല്കിയിരുന്നെന്നും സഹോദരന് വാദിച്ചു. രണ്ട് പേരുടെയും അമ്മയെയും സംഭവത്തില് കക്ഷി ചേര്ത്തു.
