ബെംഗളൂരു ആസ്ഥാനമായ സ്മാര്ട് മൊബിലിറ്റി സൊല്യൂഷന് സ്റ്റാര്ട്ടപ്പായ ബൗണ്സ് ഇന്ഫിനിറ്റി തങ്ങളുടെ E1+ ശ്രേണിയിലുള്ള ഇലക്ട്രിക് സ്കൂട്ടറുകള്ക്ക് 21 ശതമാനം വിലക്കുറവ് പ്രഖ്യാപിച്ചിരിക്കുകയാണ്. പുതിയ വിലകള് ഉടന് പ്രാബല്യത്തില് വരുമെന്നും ഈ നീക്കം ഇവികളുടെ ഒറിജിനല് വിലയില് 24,000 രൂപയുടെ കുറവ് വരുത്തുമെന്നും കമ്പനി അറിയിച്ചു. അതായത് 1.13 ലക്ഷം രൂപയുണ്ടായിരുന്ന ഇലക്ട്രിക് സ്കൂട്ടറിന് ഇനി മുതല് 89,999 രൂപ മാത്രം കൊടുത്താല് മതിയാകും. വെട്ടിക്കുറച്ച വിലകള് 2024 മാര്ച്ച് 31 വരെ ബാധകമായിരിക്കുമെന്ന കാര്യവും കമ്പനി പ്രത്യേകം ഓര്മപ്പെടുത്തുന്നുമുണ്ട്.
ഡിസൈന് കൊണ്ടും ഫീച്ചറു കൊണ്ടും ചര്ച്ചയായ മോഡലാണ് ബൗണ്സിന്റെ ഇലക്ട്രിക് സ്കൂട്ടര് ഇന്ഫിനിറ്റി E1+. ഇവിയില് 15 Amp വാള് സോക്കറ്റ് ഉപയോഗിച്ച് ചാര്ജ് ചെയ്യാന് കഴിയുന്ന റിമൂവബിള് ബാറ്ററി പായ്ക്കാണ് കമ്പനി ഉപയോഗിച്ചിരിക്കുന്നത്. വിവിധ സാഹചര്യങ്ങളില് പെര്ഫോമന്സ് ഒപ്റ്റിമൈസ് ചെയ്യാന് ലക്ഷ്യമിട്ടുള്ള ഒരു ലിക്വിഡ്-കൂള്ഡ് ബാറ്ററിയാണ് ബൗണ്സിന്റെ ഇലക്ട്രിക് സ്കൂട്ടര് ഉപയോഗിക്കുന്നത്. ക്വിക്ക് ചാര്ജിംഗും എക്സ്റ്റന്ഡഡ് റേഞ്ചും ഇന്ഫിനിറ്റി E1+ ഇവിക്കുണ്ടെന്നതും പ്രായോഗികത വര്ധിപ്പിക്കുന്ന കാര്യമാണ്.
ഏകദേശം രണ്ട് വര്ഷം മുമ്പ്, 2022 ഏപ്രിലില് ഡെലിവറി ആരംഭിച്ചതിന് ശേഷം, ബൗണ്സിന് ഇന്നുവരെ 8,570 യൂണിറ്റുകള് മാത്രമേ വിറ്റഴിച്ചിട്ടുള്ളു. പുതിയതായി പ്രഖ്യാപിച്ച വിലക്കുറവ് വില്പ്പന വേഗം വര്ധിപ്പിക്കാനും ഇനിയും ആളുകളെ ബ്രാന്ഡിലേക്ക് അടുപ്പിക്കാനും സഹായിക്കുന്ന കാര്യങ്ങളാണ്. താങ്ങാനാവുന്ന വിലയ്ക്കും പ്രകടനത്തിനും വേണ്ടിയുള്ള ഉപഭോക്തൃ ആവശ്യങ്ങള് അഭിസംബോധന ചെയ്യുന്നതിനുള്ള ഞങ്ങളുടെ സമര്പ്പണത്തെയാണ് ഈ ഗണ്യമായ വിലക്കുറവ് പ്രതിഫലിപ്പിക്കുന്നതെന്നും വിലക്കുറവിനെക്കുറിച്ച് സംസാരിച്ച സിഒഒയും ബൗണ്സ് ഇന്ഫിനിറ്റിയുടെ സഹസ്ഥാപകനുമായ അനില് ജി പറഞ്ഞു.
ഉപയോഗിക്കാനുള്ള എളുപ്പവും ചാര്ജ് ചെയ്യാനുള്ള പോര്ട്ടബിള് ബാറ്ററികളും ചാര്ജറുകളും പോലെയുള്ള ഫീച്ചറുകള് തങ്ങളുടെ സ്കൂട്ടറുകള് വാഗ്ദാനം ചെയ്യുന്നുവെന്നും എക്സ്റ്റന്ഡഡ് റേഞ്ച്, സ്മാര്ട്ട് കണക്റ്റിവിറ്റി പോലുള്ള കാര്യങ്ങളെല്ലാം ഇലക്ട്രിക് മൊബിലിറ്റിയെ യഥാര്ഥത്തില് ജനാധിപത്യവല്ക്കരിക്കുന്ന വിലനിലവാരത്തില് കൊണ്ടുവന്ന് എല്ലാവരേയും ശാക്തീകരിക്കുകയാണ് കമ്പനിയുടെ ലക്ഷ്യമെന്നും അദ്ദേഹം കൂട്ടിച്ചേര്ത്തു.
ബൗണ്സ് ഇന്ഫിനിറ്റി E1+ ഇവിയിലെ 2.2 kW ഇലക്ട്രിക് മോട്ടോറില് നിന്ന് പരനാവധി 65 കിലോമീറ്റര് വേഗത വാഗ്ദാനം ചെയ്യാന് കഴിയും. അതേസമയം NMC സെല്ലുകളുള്ള 2 kWh ലിഥിയം-അയണ് ബാറ്ററി പായ്ക്കാണ് ഇലക്ട്രിക് സ്കൂട്ടറിന്റെ ഹൃദയം. തങ്ങളുടെ ബാറ്ററികള് ഐഎഎസ് 156 മാനദണ്ഡങ്ങള്ക്കനുസൃതമായി സാക്ഷ്യപ്പെടുത്തിയിട്ടുണ്ടെന്നും ഒറ്റ ചാര്ജില് 85 കിലോമീറ്ററിലധികം (IDC) സഞ്ചരിക്കാന് ഇത് അനുവദിക്കുമെന്നും കമ്പനി പറയുന്നു.
