ഇന്ത്യന് ക്രിക്കറ്റ്ഇതിഹാസമായ സച്ചിന് ടെണ്ടുല്ക്കര് ക്രിക്കറ്റില് നിന്ന് വിരമിച്ചെങ്കിലും അന്നുമിന്നും കായികപ്രേമികളുടെ ഇഷ്ടതാരമാണ്. സച്ചിന്റെ കുടുംബവും അവരുടെ വിശേഷങ്ങളുമെല്ലാം ആരാധകര് ഇരുകൈയും നീട്ടി സ്വീകരിക്കാറുണ്ട്. സോഷ്യല് മീഡിയയില് ഏറെ ആരാധകരുള്ള താരമാണ് സച്ചിൻ ടെണ്ടുല്ക്കറുടെ മകള് സാറ ടെണ്ടുല്ക്കർ. ഫിലിം സെലിബ്രിറ്റികളുടെ പോലെയുള്ള നിരവധി ഫോട്ടോഷൂട്ടുകളും താരപുത്രി അതിലൂടെ പങ്കിടാറുണ്ട്. ബോളിവുഡിലേക്ക് സാറ വരാനുള്ള സാധ്യതയുണ്ടോ എന്ന് തോന്നിപ്പിക്കുന്ന തരത്തിലാണ് മിക്ക ഫോട്ടോഷൂട്ടുകളും. സാറ ടെണ്ടുൽക്കറുടെ ഫാഷൻ തിരഞ്ഞെടുപ്പുകൾ എപ്പോഴും സോഷ്യല് മീഡിയയില് തരംഗമാകാറുണ്ട്. തന്റെ ശൈലിയിലൂടെ ജനപ്രീതി നേടിയ സാറ ടെണ്ടുൽക്കറിന് ഇൻസ്റ്റാഗ്രാമിൽ 5.9 ദശലക്ഷത്തിലധികം ഫോളോവേഴ്സുണ്ട്. ഇപ്പോഴിതാ പുതിയ സാരി ലുക്ക് ചിത്രങ്ങള് പങ്കിട്ടിരിക്കുകയാണ് താരം. ലൈറ്റ് പിങ്ക് ജോര്ജറ്റ് സാരിയില് അതിസുന്ദരിയായിട്ടാണ് സാറയെ ചിത്രങ്ങളില് കാണുന്നത്. അലങ്കാരങ്ങളുള്ള എംബ്രോയ്ഡറി ചെയ്ത സ്കല്ലോപ്പ് ബോർഡറുള്ള ഇളം പിങ്ക് ജോർജറ്റ് സാരിയ്ക്കൊപ്പം സ്ട്രാപ്പി എംബ്രോയ്ഡറി ചെയ്ത സ്ക്വയർ നെക്ക് ബാക്ക്ലെസ്സ് ബ്ലൗസാണ് സാറ ധരിച്ചിരിക്കുന്നത്. ഒപ്പം മാംഗ് ടിക്കയും സ്റ്റേറ്റ്മെന്റ് ഇയര്റിംഗ്സും എതിനിക് വളകളും സാറയെ കൂടുതല് സുന്ദരിയാക്കി. മെടഞ്ഞിട്ട തലമുടിയും താരത്തിന് ഒരു ട്രഡീഷണല് ലുക്ക് നല്കി. ചാമിയും പാലകും ഡിസൈന് ചെയ്ത സാരിയാണ് താരപുത്രി ധരിച്ചത്. സാറയുടെ ആരാധകര് ചിത്രത്തിന് താഴെ നിരവധി കമന്റുകള് കുറിക്കുന്നുണ്ട്. ‘ഓ.. സാരൂ നിങ്ങൾ അതിശയിപ്പിക്കുന്നതായി കാണുന്നു, വളരെ സുന്ദരിയായ സാറ.’ എന്നതടക്കമാണ് കമന്റുകള്. ക്രിക്കറ്റ് താരം ശുഭ്മൻ ഗില്ലും സാറയും പ്രണയത്തിലാണെന്ന അഭ്യൂഹങ്ങളും ആരാധകർക്കിടയില് സജീവമാണ്. അതുകൊണ്ട് കമന്റുകളില് ശുഭ്മാനെക്കുറിച്ചും പലരും കമന്റുകള് ഇടുന്നുണ്ട്. ‘ഈ ചിത്രം കാണുന്നതോടെ ശുഭ്മാന് സെഞ്ച്വറി അടിക്കുമെന്ന് കമന്റിടുന്നവരുമുണ്ട്.
പ്രണയദിനത്തിൽ ചുവന്ന ബോഡികോൺ വസ്ത്രത്തിൽ സാറ ചിത്രങ്ങൾ പോസ്റ്റ് ചെയ്തപ്പോഴും ശുഭ്മാന്റെ കമന്റുകള് എവിടെയെന്ന് പലരും ചോദിച്ചിരുന്നു. ഇവരുടെ പ്രണയ അഭ്യൂഹങ്ങളെ ഉട്ടിയുറപ്പിക്കുന്ന സൂചനകള് ഇടയ്ക്കിടെ താരങ്ങളില് നിന്നുണ്ടാകുന്നതാണ് ഇരുവരും പ്രണയത്തിലാണെന്ന കിംവദന്തികളെ ശക്തമാക്കുന്നതും. 2023 നവംബറില് മുംബൈയിലെ ജിയോ വേള്ഡ് പ്ലാസയില് ശുഭ്മാൻ ഗില്ലിനൊപ്പമുള്ള സാറ ടെണ്ടുല്ക്കറുടെ ചിത്രങ്ങള് ഏറെ ശ്രദ്ധനേടിയിരുന്നു. പൂനെയില് നടന്ന ഇന്ത്യ-ബംഗ്ലദേശ് മത്സരത്തിനിടെ ഗില്ലിന്റെ ബൗണ്ടറിയ്ക്ക് കൈയ്യടിക്കുന്ന സാറയുടെ വീഡിയോയും ആരാധകരില് അഭ്യൂഹങ്ങള് ശക്തമാക്കിയിരുന്നു. എന്നാല് ഇരുവരും ഇതുവരെ തങ്ങളുടെ ബന്ധം ഔദ്യോഗികമായി സ്ഥിരീകരിച്ചിട്ടില്ല.
