പ്രേതങ്ങള് എന്ന് കേള്ക്കുമ്പോള് തന്നെ ആളുകള്ക്ക് പേടിയാണ്. കാരണം നമ്മളില് ഭൂരിഭാഗം പേരും വളര്ന്നത് പ്രേതക്കഥകള് കേട്ടും പ്രേത സിനിമകള് കണ്ടുമൊക്കെയാണ്. എന്നാല് ഇന്നും പ്രേതങ്ങള് യഥാര്ത്ഥമാണോ എന്ന ചോദ്യത്തിനുള്ള ഉത്തരം ആര്ക്കും കണ്ടെത്താന് ഇതുവരെ കഴിഞ്ഞിട്ടില്ല. എങ്കിലും ഇന്നും ഇതുപോലെയുള്ള പ്രേതക്കഥകള്ക്ക് മാത്രം ഒരു പഞ്ഞമില്ല. സമാനമായ ഒരു വീഡിയോയെ കുറിച്ചാണ് പറഞ്ഞുവരുന്നത്. തന്റെ ശരീരത്തില് എട്ട് വര്ഷമായി ഒരു ആണ്കുട്ടിയുടെ പ്രേതമുണ്ടെന്ന വെളിപ്പെടുത്തലുമായി എത്തിയിരിക്കുകയാണ് ഇവിടെ ഒരു പെണ്കുട്ടി. ഈ വീഡിയോയാണ് ഇപ്പോള് നെറ്റീസണ്സില് ആശയക്കുഴപ്പങ്ങള് സൃഷ്ടിക്കുന്നത്.
ആകാന്ഷ എന്നാണ് ഈ പെണ്കുട്ടിയുടെ പേര്. ഈ പെണ്കുട്ടി പറയുന്നത് കുറേ വര്ഷങ്ങളായി അവളുടെ ശരീരത്തില് മരിച്ചുപോയ അശോക് എന്ന കുട്ടിയുടെ ആത്മാവ് കയറിക്കൂടിയിട്ടുണ്ട് എന്നാണ്. ഗുരുഗ്രാമില് നിന്നുള്ളതാണ് പെണ്കുട്ടി. ഒരാള് കുട്ടിയെ ഇന്റര്വ്യൂ ചെയ്യുന്നതാണ് വീഡിയോയില് കാണുന്നത്. അയാളോട് കുട്ടി സംസാരിക്കുന്നത് അവളായിട്ടല്ല. മറിച്ച് മരിച്ചുപോയ ആകാശ് എന്ന ആണ്കുട്ടിയായിട്ടാണ്. കഴിഞ്ഞ എട്ട് വര്ഷമായി അശോക് ആകാന്ഷ എന്ന പെണ്കുട്ടിയുടെ ദേഹത്തുണ്ട് എന്നാണ് വീഡിയോയില് പറയുന്നത്.
ഒരു സാധുവാണ് തന്നെ ആകാന്ഷയുടെ ദേഹത്താക്കിയത് എന്നും തനിക്ക് മോക്ഷം കിട്ടാന് വേണ്ടിയാണ് അങ്ങനെ ചെയ്തത് എന്നുമാണ് ആകാശായി ആകാന്ഷ പറയുന്നത്. ഒപ്പം ആകാന്ഷയെ കൊല്ലും എന്നും പറയുന്നുണ്ട്. തന്റെ മരണം എങ്ങനെ ആയിരുന്നു എന്നും ആകാശ് എന്ന കുട്ടി പറയുന്നുണ്ട്. തന്റെ അമ്മാവനോടൊപ്പം ഒരു ഫെസ്റ്റിവലില് പങ്കെടുക്കാന് പോയതാണ് താന്. അമ്മാവന് തന്നെ കനാലില് തള്ളിയിട്ടു കൊന്നു എന്നാണ് ആകാശ് എന്ന് അവകാശപ്പെടുന്ന ആകാന്ഷ പറയുന്നത്. ഏതായാലും വീഡിയോ നിമിഷ നേരങ്ങള്ക്കുള്ളില് വൈറലായി. വീഡിയോ കണ്ട് ലൈക്കിന് ഷെയറിനും വേണ്ടി ചെയ്യുന്നതാണ് ഇതെന്ന് ചിലര് കുറിച്ചു.
