വീണ്ടും ചില വീട്ടുകാര്യങ്ങൾ എന്ന ചിത്രത്തിൽ നായകന്റെ വീടിന്റെ ഗേറ്റ് കടന്നു വന്ന സുന്ദരി പെൺകുട്ടി മലയാളികളുടെ പ്രിയതാരമായി മാറിയത് വളരെ പെട്ടെന്നാണ്. ചുരുങ്ങിയ കാലത്തിനുള്ളിൽ തന്നെ പ്രേക്ഷക ഹൃദയങ്ങളിൽ ഇടം നേടിയ സംയുക്ത വർമ്മ വിവാഹത്തോടെയാണ് അഭിനയത്തിൽ നിന്നും വിട്ടു നിൽക്കുകയാണ്. സിനിമാ അഭിനയം അവസാനിപ്പിച്ചെങ്കിലും മലയാളികൾക്ക് ഇന്നും പ്രിയപ്പെട്ട നടിയാണ് സംയുക്ത വർമ. മലയാളികളുടെ എക്കാലത്തെയും പ്രിയങ്കരിയായ താരം അടുത്തിടെ പരസ്യചിത്രങ്ങളിലൂടെ വീണ്ടും ക്യാമറക്ക് മുൻപിലേക്ക് എത്തിയിരുന്നു. സംയുക്തയ്ക്ക് സോഷ്യൽ മീഡിയയിലും നിറയെ ആരാധകർ ആണുള്ളത്. ഭർത്താവ് ബിജുമേനോൻ പങ്കിട്ട സംയുക്തയുടെ ചിത്രങ്ങൾക്കും നിറഞ്ഞ സ്വീകരണമാണ് സോഷ്യൽ മീഡിയ വഴി ലഭിച്ചത്. നടിയും നര്ത്തകിയുമായ ഊര്മ്മിള ഉണ്ണി സംയുക്തയുടെ ചെറിയമ്മയാണ്. ഊര്മ്മിളയുടെ മകള് ഉത്തര, സംയുക്തയുടെ താത്തി ഉത്തരക്കുട്ടിയാണ്. ഇപ്പോഴിതാ ഊര്മ്മിളയും ഉത്തരയും അയച്ചു കൊടുത്ത സമ്മാനങ്ങള് ഇന്സ്റ്റഗ്രാമിലൂടെ പങ്കിടുകയാണ് സംയുക്ത. ‘‘തത്തത്തി എനിക്ക് എന്തെങ്കിലും സമ്മാനിക്കുമ്പോൾ എപ്പോഴും ആവേശമാണ്... ലവ് യു താത്തി...’’ എന്നാണ് വീഡിയോയ്ക്ക് സംയുക്ത നല്കിയിരിക്കുന്ന ക്യാപ്ഷന്. ‘‘ലവ് യു താത്തി ഉത്തരക്കുട്ടി.. താങ്കു വെനി..’’ എന്നും സംയുക്ത കുറിച്ചിട്ടുണ്ട്. സമ്മാനങ്ങളില് സാരിയും മറ്റ് ഡ്രസ്സുകളും ഓര്ണമെന്റ്സും, ‘ഈ കുപ്പിയില് വെളിച്ചെണ്ണയാണ്, ചൂടാക്കി തണുപ്പിച്ച് ഒഴിക്കുക. 3 ദിവസം കഴിഞ്ഞ് തേക്കാം വളരെ നല്ലതാണ് എന്നെഴുതി ഒട്ടിച്ച വെളിച്ചെണ്ണയും പിന്നെ കുറെയധികം സാധനങ്ങളും വീഡിയോയിലൂടെ സംയുക്ത കാണിക്കുന്നുണ്ട്.
