പരസ്പരം പ്രണയിക്കുന്നതും പിരിയുന്നതുമെല്ലാം മനുഷ്യ സഹജമാണ്. പല കാരണങ്ങള് കൊണ്ടും ആളുകള് ഇത്തരത്തില് തങ്ങളുടെ പ്രണയ ജീവിതം അവസാനിപ്പിക്കാറുണ്ട്. എന്നാല് ഇവിടെ ഒരു യുവതി പ്രണയം അവസാനിപ്പിക്കാനുണ്ടായ കാരണമാണ് ഇപ്പോള് സമൂഹ മാധ്യമങ്ങളില് വലിയ ചര്ച്ചയാകുന്നത്. എന്താണന്നല്ലേ? തന്റെ വൈദ്യുതി ബില്ലടയ്ക്കാനുള്ള കാശ് ചോദിച്ചതിനാണ് ഈ യുവതി തന്റെ കാമുകനെ ഉപേക്ഷിക്കാന് തീരുമാനിച്ചത്.
കേന്ദ്ര റോക്സ്ബെറി എന്ന 29 കാരിയാണ് മാസങ്ങള് നീണ്ടുനിന്ന് തന്റെ പ്രണയം അവസാനിപ്പിച്ചത്. ഡേറ്റിംഗ് ആപ്പായ ടിന്ഡറിലൂടെയാണ് കേന്ദ്ര കാമുകനായ ജോഷിനെ കണ്ടുമുട്ടിയത്. മാസങ്ങളായി ഇരുവരും ഡേറ്റിംഗില് ആയിരുന്നു. നല്ല സന്തോഷത്തിലായിരുന്നു ഇവര്. എന്നാല് തന്റെ വൈദ്യുതി ബില്ലായ 31000 രൂപ അടയ്ക്കാന് യുവാവ് യുവതിയോട് ആവശ്യപ്പെടുകയായിരുന്നത്രേ. അത് തന്നെ ഞെട്ടിക്കുകയും പെട്ടന്ന് തന്നെ ആ ബന്ധം ഉപേക്ഷിച്ചു എന്നുമാണ് യുവതിയുടെ വെളിപ്പെടുത്തല്.
ബില്ല് അടയ്ക്കാന് ആവശ്യപ്പെടുന്നതിന് ഒരാഴ്ച മുന്പാണ് ജോഷ് അവള്ക്ക് വിലയേറിയ ഒരു സീഫുഡ് ഡിന്നര് നല്കിയത് എന്നാണ് റോക്സ്ബെറി പറയുന്നത്. സീഫുഡ് ഡിന്നറിന് താന് പണമടച്ചതുകൊണ്ട് തന്നെ തന്റെ വൈദ്യുതി ബില് അടയ്ക്കാനുള്ള പണം തരുന്നതില് തനിക്ക് പ്രശ്നം കാണില്ലെന്ന് കരുതുന്നു എന്നാണ് ജോഷ് അവള്ക്ക് മെസ്സേജ് അയച്ചത്. എന്നാല് അപ്പോള് തന്നെ അവള് ആ ബന്ധം അവസാനിപ്പിക്കുകയായിരുന്നു. ജോഷിന് സാകമ്പത്തികമായി തീരെ ഉത്തരാദിത്തമില്ല അതുകൊണ്ടാണ് ഈ ബന്ധം അവസാനിപ്പിക്കുന്നത് എന്നാണ് റോക്സ്ബെറി പറയുന്നത്. മാത്രമല്ല ജോഷിന്റ നമ്പറും ബ്ലോക്ക് ചെയ്തെന്ന് റോക്സ്ബെറി പറഞ്ഞു.
പങ്കാളിയെ സാമ്പത്തികമായി സഹായിക്കാന് തയ്യാറാവുന്ന വ്യക്തിയാണ് താന്. അയാള് എല്ലാം തനിച്ച് ചെയ്യണം എന്ന് കരുതുന്ന ആളല്ല. എന്നാല് പണം ചോദിച്ച രീതിയാണ് തന്നെ പ്രശ്നത്തിലാക്കിയതെന്നും റോക്സ്ബെറി പറഞ്ഞു. ജോഷിനെ തനിക്ക് ഇഷ്ടമായിരുന്നു, നല്ല വ്യക്തിലയായിരുന്നു അതിനാല് പിരിഞ്ഞതില് ചെറിയ വിഷമം ഉണെടന്നും അവള് പറയുന്നു. ഏതായാലും സംഭവം അറിഞ്ഞ് ഈ ബന്ധം അവസാനിപ്പിച്ചത് നന്നായി എന്നാണ് പലരും റോക്സ്ബെറിയോട് അഭിപ്രായപ്പെട്ടത്.
