അവധിക്കാലം ആഘോഷകരമാക്കാനാണ് കാലിഫോര്ണിയയിലെ അഗോഹ ഹില്സില് നിന്നുള്ള മൈക്കല് ഫാര്ച്ചി എന്ന യുവാവ് ലാസ് വേസിലെ ഒരു ആഡംബര റിസോര്ട്ടിലെത്തിയത്. എന്നാല് അവിടെ മൈക്കലിനെ കാത്തിരുന്നത് തീര്ത്തും അപ്രതീക്ഷിതമായ മറ്റൊരു കാര്യമായിരുന്നു. ഹോട്ടലില് തങ്ങുന്നതിനിടെ ഒരു ദിവസം മൈക്കല് ഉറക്കമുണര്ന്നപ്പോള് സ്വകാര്യ ഭാഗത്ത് കടുത്ത വേദന അനുഭവപ്പെട്ടു. എന്നാല് അതെന്തുകൊണ്ടാണെന്ന് മനസിലാക്കാന് മൈക്കിലിന് സാധിച്ചിരുന്നില്ല.
തന്റെ സ്വകാര്യഭാഗത്ത് ആരോ കത്തിയെടുത്ത് മുറിവേല്പ്പിച്ചത് പോലെയായിരുന്നു അനുഭവപ്പെട്ടിരുന്നത് എന്നാണ് ആ വേദനയെ കുറിച്ച് മൈക്കല് പറയുന്നത്. എന്താണ് ഉണ്ടായതെന്ന് അറിയാന് ഉടന് തന്നെ കട്ടിലില് നിന്ന് എണീറ്റ് ഹോട്ടല് മുറി എല്ലാം അയാള് പരിശോധിക്കാന് തുടങ്ങി. തുടര്ന്ന് ബാത്ത്റൂമില് എത്തിയപ്പോഴാണ് മൈക്കിലിന്റെ അടിവസ്ത്രത്തില് ഒരു തേള് തൂങ്ങിക്കിടക്കുന്നത് കണ്ടത്.
പിന്നാലെ, ഹോട്ടലിലെ മെഡിക്കല് ടീമിനെ കണ്ടപ്പോള് അയാളുടെ സ്വകാര്യഭാഗത്ത് തേള് കുത്തുകയായിരുന്നു എന്ന് കണ്ടെത്തി. സംഭവത്തെ തുടര്ന്ന് പിറ്റേന്ന് തന്നെ മൈക്കലും കുടുംബവും ആ ഹോട്ടലില് നിന്നും ചെക്ക് ഔട്ട് ചെയ്ത് ഇറങ്ങി. തുടര്ന്ന് ഇയാള് ഹോട്ടലിനെതിരെ കേസും കൊടുത്തു. അതിഥികളുടെ സുരക്ഷ ഹോട്ടലിന്റെ ഉത്തരവാദിത്തമാണ്, അതവര് ഉറപ്പ് നല്കുന്നുണ്ട്, എന്നിട്ടാണ് തനിക്കിത് സംഭവിച്ചത് എന്നാണ് മൈക്കലിന്റെ വെളിപ്പെടുത്തല്
