യമഹ R25ന് മോഡലിന് പുത്തന് കളര് ഓപ്ഷന് അവതരിപ്പിച്ചിരിക്കുകയാണ് കമ്പനി. കഴിഞ്ഞ വര്ഷം മലേഷ്യയില് യമഹ YZF-R25 നായി മിഡ്നൈറ്റ് സ്റ്റാര് പര്പ്പിള് നിറം അവതരിപ്പിച്ചിരുന്നു. ഇത് ഇപ്പോള് നിര്ത്തലാക്കി പുതിയ ഗ്ലേസിയര് വൈറ്റ് ഷേഡ് അവതരിപ്പിച്ചിരിക്കുകയാണ്. ഹെഡ്ലാമ്പ് കൗള്, ഫ്രണ്ട് ഫെന്ഡര്, സൈഡ് ഫെയറിംഗ്, ഫ്യുവല് ടാങ്ക് എന്നിവയില് പുതിയ വെള്ള ഷേഡ് ഉപയോഗിച്ചിട്ടുണ്ട്.
പുതിയ കളര് തീമിന് സിയാന് ഷേഡില് കോണ്ട്രാസ്റ്റിംഗ് ഗ്രാഫിക്സും ലഭിക്കുന്നുണ്ട്. വീലുകള് സിയാനും നല്കിയിട്ടുണ്ട്. വൈറ്റ്-സിയാന് കോംബോ വളരെ മനോഹരമായി കാണപ്പെടുന്നതാണ്.
2024 R25 മോഡലിന് യമഹ റേസിംഗ് ബ്ലൂ കളര് സ്കീം നിലനിര്ത്തിയിട്ടുണ്ട് എന്നത് ശ്രദ്ധിക്കേണ്ടതാണ്. യമഹ R25 പുതിയ ഗ്ലേസിയര് വൈറ്റ് ഷേഡ് പിന്വലിച്ച പര്പ്പിള് നിറത്തില് നിന്ന് വളരെ വ്യത്യസ്തമാണ്. മുമ്പത്തെ 2 കളര് ഓപ്ഷനുകളും വളരെ തീവ്രമായതിനാല്, യമഹ 2024 മോഡല് R25 മായി കളര് ചോയ്സുകള് വ്യത്യസ്തമാക്കിയിട്ടുണ്ട്. തങ്ങളുടെ റൈഡുകള് കാണിക്കാനും അല്പ്പം ജനശ്രദ്ധ ഇഷ്ടപ്പെടുന്ന ആളുകള്ക്ക് യമഹ റേസിംഗ് ബ്ലൂ നിറത്തില് പോകാം. താരതമ്യേന ശാന്ത സ്വഭാവത്തോടെ റൈഡ് ചെയ്യുന്നവര്ക്ക്, ഗ്ലേസിയര് വൈറ്റ് നിറം ഏറ്റവും ഉചിതമായിരിക്കും.
പുതിയ ഗ്ലേസിയര് വൈറ്റ് കളര് ഷേഡിന് പുറമെ, യമഹ R25 ന്റെ 2024 മോഡലിന് മറ്റ് വലിയ മാറ്റങ്ങളൊന്നുമില്ല. 35.5 bhp പരമാവധി കരുത്തും 22.6 nm പീക്ക് ടോര്ക്കും പുറപ്പെടുവിക്കുന്ന 249 സിസി, ടു സിലിണ്ടര്, 8 വാല്വ് ഡിഒഎച്ച്സി എന്ജിനാണ് ബൈക്കിന് കരുത്ത് പകരുന്നത്. ഇത് 6-സ്പീഡ് ഗിയര്ബോക്സുമായി ഘടിപ്പിച്ചിരിക്കുന്നു. ബൈക്കില് ഒരു ഡയമണ്ട് ഫ്രെയിം ഉപയോഗിക്കുന്നു, യുഎസ്ഡി ഫ്രണ്ട് ഫോര്ക്കുകളും പിന്നില് പ്രീലോഡ് ക്രമീകരിക്കാവുന്ന മോണോഷോക്ക് സസ്പെന്ഷനും കമ്പനി നല്കിയിട്ടുണ്ട് R25 ന് മുന്നിലും പിന്നിലും 17 ഇഞ്ച് വീലുകള് ഉണ്ട്, 110/70 ഫ്രണ്ട് ടയറുകളും 140/70 പിന് ടയറുകളുമുണ്ട്.
രണ്ട് വീലുകളിലും എബിഎസ് സഹിതമുള്ള ഡിസ്ക് ബ്രേക്കുകളാണ് സജ്ജീകരിച്ചിരിക്കുന്നത്. 758 mm സീറ്റ് ഉയരം കൊണ്ട് വാഹനത്തെ മികച്ച രീതിയില് കൈകാര്യം ചെയ്യലിന് അനുയോജ്യമാണ്. 160 കിലോഗ്രാം ഭാരമുള്ള ബൈക്കിന് 160 എംഎം ഗ്രൗണ്ട് ക്ലിയറന്സുമുണ്ട്. ഫീച്ചേഴ്സിലേക്ക് നോക്കില് ദീര്ഘചതുരാകൃതിയിലുള്ള LCD ഇന്സ്ട്രുമെന്റ് സ്ക്രീന് ആണ് ലഭിക്കുന്നത്. ഇന്ധന ഗേജ്, ഗിയര് പൊസിഷന്, ക്ലോക്ക്, ശരാശരി ഇന്ധനക്ഷമത, തത്സമയ ഇന്ധന ഉപഭോഗം എന്നിങ്ങനെയുള്ള വിവരങ്ങളുടെ ഒരു റേഞ്ച് ക്ലസ്റ്ററില് കാണാം.
ഇന്ത്യയില്, യമഹയുടെ R-റേഞ്ചില് നിലവില് R15 ഉം R3 ഉം ഉണ്ട്. ആഗോളതലത്തില്, മുന്നിര R1, R7, R125 എന്നിങ്ങനെയുള്ള മറ്റ് ജനപ്രിയ ബൈക്കുകളും ഈ നിരയിലുണ്ട്. R25-ന്റെ മൊത്തത്തിലുള്ള സ്റ്റൈലിംഗ് ഇന്ത്യയില് വില്ക്കുന്ന R15 V4-ന് സമാനമാണ് എന്ന് പറയാം. മലേഷ്യയിലെ R25-നുള്ള ഗ്ലേസിയര് വൈറ്റ് കളര് ഓപ്ഷന് ഇന്ത്യയില് R15 V4-ല് ലഭ്യമായ തീവ്രത വൈറ്റ് കളര് ഓപ്ഷനുമായി സാമ്യമുള്ളതാണ് എന്നാണ് റിപ്പോര്ട്ടുകള് സൂചിപ്പിക്കുന്നത്. എന്നിരുന്നാലും, രണ്ടാമത്തേതില് ഗോള്ഡന് USD ഫോര്ക്കുകളും ചുവന്ന നിറമുള്ള അലോയ് വീലുകളുമുണ്ട്. സൈഡ് ഫെയറിംഗിന്റെ രൂപകല്പ്പനയിലും വ്യത്യാസങ്ങളുണ്ട്.
