ഇന്നലെയായിരുന്നു ഇന്റര്നാഷണല് വുമണ്സ് ഡേ. താരങ്ങള് പലരും ആശംസകള് അറിയിച്ച് സോഷ്യല് മീഡിയയില് എത്തി. ഭാര്യമാരോട് അമിത സ്നേഹമുള്ള ചില സെലിബ്രിറ്റി ഭര്ത്താക്കന്മാരും, ചില പ്രത്യേക പോസ്റ്റുകള് പങ്കുവച്ചിരുന്നു. അതില് നടന് സൂര്യയുടെ ഇന്സ്റ്റഗ്രാം പോസ്റ്റ് എല്ലാം ശ്രദ്ധ നേടി. അല്പം വൈകിയാണെങ്കിലും, ഇപ്പോള് വിഘ്നേശ് ശിവന്റെ ഇന്സ്റ്റഗ്രാം പോസ്റ്റും ഏറ്റെടുത്തിരിക്കുകയാണ് ആരാധകര്.
മേക്കപ്പ് ഒന്നും ഇടാതെയുള്ള നയന്താരയുടെ ഏതാനും ചിത്രങ്ങള് പങ്കുവച്ചുകൊണ്ടാണ് വിഘ്നേശ് ശിവന്റെ ആശംസ പോസ്റ്റ്. 'വയസ്സായി വയസ്സായി വരുന്തോറും തിളങ്ങിക്കൊണ്ടേയിരിക്കുന്ന രണ്ടേ രണ്ട് വിഷയം. വനിത ദിന ആശംസകള് നയന്താര. എന്റെ സുന്ദരിയായ, പ്രിയപ്പെട്ട, സ്നേഹനിധിയായ തങ്കപ്പെണ്ണ്' എന്നാണ് വിഘ്നേശിന്റെ പോസ്റ്റ്.
എന്നാല് വയസ്സായി വയസ്സായി വരുന്തോറും എന്താണ് തിളക്കം കൂടുന്ന ആ രണ്ട് കാര്യം എന്ന് പറഞ്ഞില്ലല്ലോ എന്നാണ് ആരാധകര് ചോദിയ്ക്കുന്നത്. കണ്ണുകളാവാം വിഘ്നേശ് ഉദ്ദേശിച്ചത് എന്ന് അതിന് ആരാധകര് തന്നെ മറുപടി കണ്ടെത്തുന്നുണ്ട്. 'സമ്മതിച്ചു ബ്രോ നിങ്ങളുടെ ഭാര്യ തന്നെയാണ് നയന്താര, സുന്ദരിയാണ്' എന്നൊകകെയുള്ള ചില രസകരമായ കമന്റുകളും പോസ്റ്റിന് താഴെ കാണാം.
നയന്താരയ്ക്ക് വയസ്സ് കൂടി വരുന്നതിനെ കുറിച്ച് എന്തിനാണ് ഇങ്ങനെ എടുത്ത് പറയുന്നത് എന്ന് ചോദിച്ച് വരുന്ന കമന്റുകളും ഉണ്ട്. ആ സൗന്ദര്യത്തില് ഞങ്ങള് പ്രായം കാണുന്നില്ല, പ്രായം ജസ്റ്റ് ഒരു നമ്പര് മാത്രമാണെന്നൊക്കെ പറയുന്ന കടുത്ത ആരാധകരും ഉണ്ട്.
കുറച്ച് ദിവസമായി ഇരുവരും വിവാഹ മോചിതരാകുന്നു എന്ന തരത്തിലുള്ള ഗോസിപ്പുകളും പുകമറകളും നിലനില്ക്കുന്ന പശ്ചാത്തലത്തിലാണ് വിഘ്നേശ് ശിവന്റെ പോസ്റ്റ്. എന്നാല് കഴിഞ്ഞ ദിവസം എല്ലാ ഗോസിപ്പുകളെയും കാറ്റില് പറത്തി കുടുംബത്തോടൊപ്പം വിദേശ യാത്ര നടത്തുന്ന ചിത്രങ്ങള് നയന്താര ഇന്സ്റ്റഗ്രാമില് പങ്കുവച്ചിരുന്നു. നിലവില് യുഎഇയിലാണ് താരദമ്പതികള് ഉള്ളത്.
