പശ്ചിമ ബംഗാളിലെ 42 ലോക്സഭാ സീറ്റുകളിലേക്ക് സ്ഥാനാർത്ഥികളെ പ്രഖ്യാപിച്ച് തൃണമൂൽ കോൺഗ്രസ്. തൃണമൂല് കോണ്ഗ്രസിന്റെ പ്രധാന നേതാക്കളായ മഹുവ മൊയ്ത്ര, അഭിഷേക് ബാനര്ജി, ശത്രുഘ്നന് സിന്ഹ എന്നിവര്ക്ക് പുറമേ മുന് ഇന്ത്യന് ക്രിക്കറ്റ് താരം യൂസഫ് പഠാനും പട്ടികയിലുണ്ട്.
പശ്ചിമ ബംഗാൾ മുഖ്യമന്ത്രി മമത ബാനർജിയാണ് കൊൽക്കത്തയിലെ ബ്രിഗേഡ് പരേഡ് ഗ്രൗണ്ടിൽ നടന്ന ‘ജനാഗർജൻ സഭ’യിൽ സ്ഥാനാർത്ഥി പട്ടിക പ്രഖ്യാപിച്ചത്. നിലവില് കോണ്ഗ്രസിന്റെ ലോക്സഭാ കക്ഷി നേതാവും സംസ്ഥാന അധ്യക്ഷനുമായ അധീര് രഞ്ജന് ചൗധരി പ്രതിനിധീകരിക്കുന്ന ബഹരംപൂരിലാണ് മുൻ ക്രിക്കറ്റ് താരം യൂസഫ് പഠാന് മത്സരിക്കുക.
കൃഷ്ണനഗറില് മഹുവ വീണ്ടും ജനവിധി തേടും. ശത്രുഘ്നൻ സിൻഹ അസൻസോളിൽ നിന്നും കീർത്തി ആസാദ് ദുർഗാപൂരിൽ നിന്നും മത്സരിക്കും. തൃണമൂല് കോണ്ഗ്രസ് ജനറല് സെക്രട്ടറിയും മമത ബാനര്ജിയുടെ അനന്തരവനുമായ അഭിഷേക് ബാനര്ജി ഡയമണ്ട് ഹാര്ബര് മണ്ഡലത്തില് മത്സരിക്കും.
