മാസപ്പടിയായും വാര്ഷികപ്പടിയായും കിട്ടുന്ന നോട്ടുകെട്ടുകള് നിറച്ച കിടക്കയിലുറങ്ങുന്ന പിണറായി വിജയനെ ചുമക്കുന്ന സിപിഎം എന്ന പാര്ട്ടി അധഃപതനത്തിന്റെ നെല്ലിപ്പലകയിലെത്തിയെന്ന് കെപിസിസി പ്രസിഡന്റ് കെ സുധാകരന് . പാവപ്പെട്ടവന്റെ ക്ഷേമ പെന്ഷനില്നിന്ന് കയ്യിട്ടുവാരി പോസ്റ്ററടിക്കുന്ന നിങ്ങളെയോര്ത്ത് തല കുനിക്കാത്ത ഒരു മലയാളിപോലും ഇന്നില്ല. ടിപി ചന്ദ്രശേഖരനെയും ഷുഹൈബിനെയും കൃപേഷിനെയും ശരത്ലാലിനെയും ഏറ്റവുമൊടുവില് സിദ്ധാര്ത്ഥനെയും കൊലയ്ക്കുകൊടുത്ത അഭിനവ ഹിറ്റ്ലറാണ് ഇദ്ദേഹം. പിണറായി എകെജിയും പി കൃഷ്ണപിള്ളയും ഇഎംഎസും പകര്ന്നു തന്ന കമ്യൂണിസ്റ്റ് മൂല്യങ്ങളെല്ലാം ആറടി മണ്ണില് കുഴിച്ചുമൂടിയെന്നും സുധാകരന് പറഞ്ഞു.
പിണറായി കോണ്ഗ്രസിന്റെ സ്ഥാനാര്ത്ഥി നിര്ണയം കഴിഞ്ഞതോടെ വിറളിപിടിച്ചതുകൊണ്ടാണ് കോണ്ഗ്രസിനെ അപമാനിച്ചു പ്രസംഗിച്ചത്. എന്നാല് യുഡിഎഫില് ഇത്രയും ഗംഭീരമായ ഒരു സ്ഥാനാര്ത്ഥി നിര്ണയം സമീപകാലത്തൊന്നും ഉണ്ടായിട്ടില്ല. തൃശൂരില് ഇടതുപക്ഷ- ബിജെപി സഖ്യത്തെ കെ മുരളീധരന് ഒറ്റ ദിവസംകൊണ്ടാണ് പൊളിച്ചടുക്കിയത്. തന്റെ യോഗത്തിന് ആളില്ലെന്നു പറഞ്ഞ് സുരേഷ് ഗോപി തിരുവനന്തപുരത്തേക്കുള്ള വണ്ടികയറാന് നില്ക്കുകയാണ്. ആലപ്പുഴയില് സിപിഎമ്മിന്റെ ഏക കനലിനെ കെസി വേണുഗോപാല് ഊതിക്കെടുത്തിക്കഴിഞ്ഞു. വടകരയില് കോണ്ഗ്രസിന്റെ യുവതുര്ക്കി ഷാഫി പറമ്പില് സിപിഎമ്മിനെ ഞെട്ടിച്ചിരിക്കുകയാണ്. 20 മണ്ഡലങ്ങളിലും ഇതാണ് സ്ഥിതിയെന്നും അദ്ദേഹം പറഞ്ഞു.
തലകുത്തിനിന്നാല് പോലും ബിജെപി കേരളത്തില് ഒരു സീറ്റിലും വിജയിക്കില്ലെന്ന് കോണ്ഗ്രസ് ഉറപ്പാക്കിയിട്ടുണ്ട്. സിപിഎം-ബിജെപി കൂട്ടുകെട്ട് 2024ലെ ലോക്സഭാ തെരഞ്ഞെടുപ്പോടെ കൂടുതല് സുദൃഢമായിട്ടുണ്ട്. സംഘപരിവാര് ശക്തികള്ക്കെതിരേ രാജ്യവ്യാപകമായി കോണ്ഗ്രസ് നടത്തുന്ന പോരാട്ടങ്ങള്ക്കു നേരേ കണ്ണടയ്ക്കുന്ന പിണറായി, ബിജെപിയിലേക്ക് ആരെങ്കിലും പോയാല് സുരേന്ദ്രനേക്കാള് ആര്ത്തുല്ലസ്സിക്കുന്ന സംഘപരിവാര് മനസ്സാണ് പിണറായി വിജയന്റേതെന്നും സുധാകരന് പറഞ്ഞു.
