കൊച്ചി : എറണാകുളം കളപ്പാറയില് ഓട്ടോറിക്ഷയില് മ്ലാവ് ഇടിച്ചുണ്ടായ അപകടത്തില് ഓട്ടോ ഡ്രൈവര് മരിച്ചു. മാമലക്കണ്ടം സ്വദേശി പറമ്പില് വിജില് നാരായണന് (41) ആണ് മരിച്ചത്. ഇന്നലെ രാത്രിയായിരുന്നു സംഭവം.
രോഗിയുമായി മാമലക്കണ്ടത്തു നിന്നും കോതമംഗലത്തേക്ക് വരുമ്പോള് കളപ്പാറയില് വെച്ചാണ് അപകടമുണ്ടായത്. ഓടിക്കൊണ്ടിരിക്കുന്നതിനിടെ മ്ലാവ് അപ്രതീക്ഷിതമായി ഓട്ടോയുടെ മുന്നിലേക്ക് വന്നുകയറുകയായിരുന്നു .
ഓട്ടോഡ്രൈവറാണ് വിജില്. അപകടത്തില് മൂന്നു പേര്ക്ക് പരിക്കേറ്റു. മറിഞ്ഞ ഓട്ടോയുടെ അടിയില് വിജില് പെടുകയായിരുന്നു. ഗുരുതരമായി പരിക്കേറ്റ വിജിലിനെ ഉടന് തന്നെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. തുടർന്ന് വിദഗ്ധ ചികിത്സയ്ക്ക് ആലുവയിലെ സ്വകാര്യ ആശുപത്രിയിലേക്കു മാറ്റിയെങ്കിലും പുലർച്ചെ രണ്ടോടെ മരിച്ചു.
