കുമ്പളങ്ങി നൈറ്റ്സിലെ ബേബി മോള് എന്ന ഒരൊറ്റ കഥാപാത്രത്തിലൂടെ പ്രേക്ഷകരുടെ ഇഷ്ടതാരമായി മാറിയ നടിയാണ് അന്ന ബെന്. തൊട്ടടുത്ത വര്ഷം ഇറങ്ങിയ കപ്പേള എന്ന ചിത്രത്തിലൂടെ ആ വര്ഷത്തെ മികച്ച നടിക്കുള്ള സംസ്ഥാന അവാര്ഡും അന്ന സ്വന്തമാക്കി. കുറഞ്ഞ കാലം കൊണ്ട് മികച്ച സിനിമകളുടെ ഭാഗമായ അന്ന ബെന് തിരക്കഥാകൃത്ത്ബെന്നി പി. നായരമ്പലത്തിന്റെ മകള് കൂടിയാണ്. അച്ഛന്റെ പേരില് സിനിമയിലെത്തിയെങ്കിലും മലയാള സിനിമയില് തന്റേതായ ഒരു ഇടം നേടിയെടുക്കാന് അന്നയ്ക്ക് കഴിഞ്ഞിട്ടുണ്ട്.
ഫോട്ടോഷൂട്ടുകളില് എന്നും വ്യത്യസ്തമായ പരീക്ഷണങ്ങള് നടത്താറുള്ള നടിയാണ് അന്ന ബെന്. മാത്രമല്ല താരത്തിന്റെ സ്റ്റൈലിഷ് ചിത്രങ്ങള് വളരെ വേഗം തന്നെ സോഷ്യല് മീഡിയ തരംഗമായി മാറാറുണ്ട്. ഇപ്പോഴിതാ പുതിയ ചിത്രങ്ങളുമായി എത്തിയിരിക്കുകയാണ് നടി. സ്ലീവ്ലെസ്സ് ഹെവി വര്ക്ക് ഗോള്ഡണ് ഗൗണിലാണ് താരം ചിത്രങ്ങളില് തിളങ്ങുന്നത്. ഒപ്പം അഴകായി ചുരുണ്ട മുടിയുടെ ഭംഗി കൂടിയുണ്ട്. കൂടുതല് സുന്ദരിയായിരിക്കുന്നു എന്നാണ് ആരാധകര് ചിത്രങ്ങള്ക്ക് നല്കുന്ന കമന്റ്.
