ഹോട്ടലില് നിന്ന് ലഭ്യമാകുന്ന ഭക്ഷണങ്ങളുടെ സുരക്ഷ പലപ്പോഴും ചോദ്യചെയ്യപ്പെടാറുണ്ട്. ഇവ ഉപഭോക്താക്കളില് വളരെയധികം അസ്വസ്ഥകള് സൃഷ്ടിക്കാറുണ്ട്. ഇത്തരത്തില് ഒരു അനുഭവവുമായി രംഗത്തെത്തിയിരിക്കുകയാണ് ഇവിടെ ഒരു യുവതി. റസ്റ്റോറന്റില് ഓര്ഡര് ചെയ്ത ദോശയില് നിന്ന് എട്ട് പാറ്റകളെ ലഭിച്ച ഞെട്ടിക്കുന്ന അനുഭവമാണ് യുവതി പങ്കുവച്ചത്. ഇതിന്റെ വീഡിയോ യുവതി പങ്കുവയ്ക്കുകയും ചെയ്തു. ഹോട്ടലിനെതിരെ നടപടിയുണ്ടാകുന്നതുവരെ നിയമ പോരാട്ടം തുടരുമെന്ന് വ്യക്തമാക്കി.
ഇഷാനി എന്ന യുവതിയാണ് എട്ട് പാറ്റകളടങ്ങിയ ദോശയുടെ ദൃശ്യം പങ്കുവച്ചത്. മാര്ച്ച് ഏഴിനായിരുന്നു സംഭവം. താനും സുഹൃത്തും ചേര്ന്ന് രണ്ട് ദോശകശാണ് ഓര്ഡര് ചെയ്തതെന്ന് യുവതി പറഞ്ഞു. അല്പം കഴിച്ച ശേഷം വിചിത്രമായ എന്തോ ഒന്ന് കണ്ടു. സൂക്ഷിച്ച് നോക്കിയപ്പോഴാണ് അതൊരു പാറ്റയാണെന്ന് കണ്ടെത്തിയത്. അങ്ങനെ വീണ്ടും പരിശോധിച്ചപ്പോള് ദോശയില് നിന്ന് എട്ട് പാറ്റകളെയാണ് ഇഷാനിക്ക് ദോശയില് നിന്നും കിട്ടിയത്.
ആ രംഗം ഓര്ക്കുമ്പോള് ഹൃദയം തകരുന്നു എന്നാണ് ഇഷാനി പറയുന്നത്. പിന്നാലെ സിപിയിലെ പോലീസ് സ്റ്റേഷനില് ഇഷാനി പരാതി നല്കി. ഭക്ഷ്യ ശുചിത്വം ഉറപ്പാക്കാന് ഉത്തരവാദപ്പെട്ട എല്ലാ അധികാരികളെയും ഇക്കാര്യം അറിയിക്കുകയാണ്. നടപടിയുണ്ടാകാത്തതില് ദേഷ്യവും നിരാശയമുണ്ട്. അതുകൊണ്ടാണ് തുറന്നുപറയുന്നത്. നടപടിയെടുക്കുന്നത് വരെ നിശബ്ദയാകില്ല. പൊലീസ് ലൈസന്സ് ചോദിച്ചപ്പോള് കാണിക്കാന് ഹോട്ടല് ഉടമകളുടെ കയ്യില് ഉണ്ടായിരുന്നില്ലെന്നും ഇഷാനി പറഞ്ഞു.
ഓരോ മണിക്കൂറിലും മുപ്പതോളം പേരെത്തുന്ന, തിരക്കുള്ള, പേരുകേട്ട ഒരു റെസ്റ്റോറന്റിന് എങ്ങനെ ഇങ്ങനെ നിരുത്തരവാദപരരമായി പെരുമാറാന് കഴിയുന്നുവെന്ന് ഇഷാനി ചോദിക്കുന്നു. അടുക്കളയില് നിന്ന് ദുര്ഗന്ധം വമിക്കുന്നുണ്ടായിരുന്നു, അടുക്കളയില് പകുതി ഭാഗത്ത് മേല്ക്കൂരയില്ല. ഇതിവിടെ അവസാനിക്കില്ലെന്നും സുരക്ഷിതമായ ഭക്ഷണം ലഭിക്കാനുള്ള അവകാശം തനിക്കുണ്ടെന്നും യുവതി പറഞ്ഞു.
നഷ്ടപരിഹാരം നല്കാം വീഡിയോ എടുക്കരുതെന്ന് ഹോട്ടലുടമകള് ആവശ്യപ്പെട്ടെന്ന് ഇഷാനി പറഞ്ഞു. വെജിറ്റേറിയന് ഭക്ഷണം കഴിക്കുന്ന ഹോട്ടലുടമകള് തന്റെ മുന്നില് ഇരുന്ന് ആ 8 പാറ്റകളെ തിന്നാല് തിന്നാല് താന് പരാതി പറയില്ല എന്നായിരുന്നു ഇഷാനിയുടെ മറുപടി. പിന്തുണയ്ക്ക് വേണ്ടിയല്ല താനിതെല്ലാം പറയുന്നതെന്ന് യുവതി വ്യക്തമാക്കി. താന് സംസാരിക്കുന്നത് അടിസ്ഥാന ആരോഗ്യത്തെയും ശുചിത്വത്തെയും കുറിച്ചാണ്. ഇക്കാര്യത്തില് ഒരു വിട്ടുവീഴ്ചയ്ക്കും തയ്യാറല്ലെന്നും ഇഷാനി പറഞ്ഞു.
