മിനിസ്ക്രീനിലൂടെ തുടങ്ങി ബിഗ് സ്ക്രീനില് തിളങ്ങിയ താരങ്ങള് അനവധിയാണ്. കുടുംബപ്രേക്ഷകരുടെ പ്രിയ താരങ്ങളായി മാറിയ ശേഷമായിരിക്കും ഇവരില് പലരും സിനിമയില് തിളങ്ങിയിട്ടുള്ളത്. ജനപ്രിയ പരമ്പരകളിലൊന്നായ ‘വാനമ്പാടി’ അവസാനിച്ച് നാളേറെ ആയെങ്കിലും അതിലെ കഥാപാത്രങ്ങള് ഇപ്പോഴും ആരാധകരുടെ മനസ്സിലുണ്ട്. വാനമ്പാടിയിലൂടെ പ്രേക്ഷകമനസ്സില് ഏറ്റവുമധികം സ്ഥാനം നേടിയൊരു കഥാപാത്രമായിരുന്നു സുചിത്ര അവതരിപ്പിച്ച ‘പപ്പി’. നെഗറ്റീവ് ഷെയ്ഡുള്ള കഥാപാത്രമായിരുന്നിട്ടു കൂടി സുചിത്രയ്ക്ക് ആരാധകര് ഏറെയായിരുന്നു.
പിന്നീട് സുചിത്രയെ ആളുകള് കണ്ടത് ബിഗ് ബോസ് മലയാളത്തിലൂടെയാണ്. അതിനു ശേഷം ബിഗ് സ്ക്രീനില് ‘മലൈക്കോട്ട വാലിബന്’ എന്ന ലിജോ ജോസ് പെല്ലിശ്ശേരി ചിത്രത്തില് മോഹന്ലാലിന്റെ പെയറായി സുചിത്രയെത്തി. ആ വിശേഷങ്ങള് താരം തന്നെ പലപ്പോഴും പങ്കുവച്ചിട്ടുണ്ട്. പരമ്പരകളില് എത്തുന്നില്ലെങ്കിലും റീലുകളും ഫോട്ടോഷൂട്ടുകളുമായി സോഷ്യല് മീഡിയയിലും നിറസാന്നിധ്യമാണ് സുചിത്ര.
ഇപ്പോഴിതാ സാരിയില് സ്റ്റൈലിഷ് ലുക്കിലുള്ള ചിത്രങ്ങള് പങ്കിട്ടിരിക്കുകയാണ് താരം. സാരിയുടുത്ത് സുചിത്രയെ സ്ഥിരമായി കാണുന്നതാണെങ്കിലും അതില് നിന്നു വ്യത്യസ്തമാണ് താരത്തിന്റെ ഫോട്ടോപോസ്. സാധാരണ പട്ടുസാരിയോ ഫ്ലോറല് ടൈപ്പ് സാരിയോ ധരിച്ചാണ് താരത്തെ കാണുന്നത്. എന്നാലിതില് പ്ലെയില് ബ്ലാക്ക് സാരിയും ഒപ്പം ഗോള്ഡൻ ബോർഡറിന് മാച്ച് ചെയ്യുന്ന, എന്നാല് വ്യത്യസ്തമായി തോന്നുന്ന മഞ്ഞ കൂടിയ ഗോള്ഡൻ ബ്ലൌസും ധരിച്ചാണ് താരത്തിന്റെ ചിത്രങ്ങള്. വശ്യമായി ആരെയും ആകര്ഷിക്കുന്ന തരത്തിലുള്ള ഫോട്ടോഷൂട്ടാണ് താരത്തിന്റേത്. ആകര്ഷണീയത എന്നും സുചിത്രയുടെ പ്ലസ് പോയിന്റായതു കൊണ്ടു തന്നെ ഈ ചിത്രത്തിന് ഏറെ ട്രെന്ഡിംഗാകുന്നുണ്ട്.
മലൈകോട്ടെ വാലിബൻ എന്ന സിനിമയില് അഭിനയിച്ച ശേഷം അഭിമുഖങ്ങളില് സുചിത്ര പറഞ്ഞ ചില കാര്യങ്ങള് ശ്രദ്ധിക്കപ്പെട്ടിരുന്നു. സീരിയലില് നിന്നു വരുന്നവരെ പ്രേക്ഷകർക്ക് അത്ര ദഹിക്കില്ലെന്നായിരുന്നു താരം പറഞ്ഞത്. ‘‘വാനമ്പാടി കഴിഞ്ഞ് നിന്ന സമയത്ത് കുറേ സിനിമകളില് നിന്നും വിളിച്ചിരുന്നു. വിളിച്ച ശേഷം ഇപ്പോള് എന്ത് ചെയ്യുന്നുവെന്ന് ചോദിക്കും.സീരിയല് കഴിഞ്ഞ് നില്ക്കുകയാണ്, സിനിമയ്ക്ക് വേണ്ടി കാത്തിരിക്കുകയാണെന്ന് ഞാന് പറയും. അടുത്ത കോളില് പറയുക, സീരിയലില് ഒത്തിരി എസ്റ്റാബ്ലിഷ് ആയിപ്പോയി, എല്ലാവരുമായി ചര്ച്ച ചെയ്തപ്പോള് തല്ക്കാലം വേണ്ട എന്നാണ്, കുറച്ച് കഴിഞ്ഞ് എല്ലാവരും ഈ മുഖം ഒന്ന് മറക്കട്ടെ എന്നാണ് പറയുക. എനിക്ക് അറിയില്ല അതെന്താണെന്ന്. പക്ഷെ അങ്ങനെ ചിന്തിക്കുന്നുവല്ലോ എന്നോര്ത്ത് സങ്കടം വന്നിട്ടുണ്ട്...’’ എന്നായിരുന്നു താരം പറഞ്ഞത്.
