ഹിന്ദി -തെലുങ്ക് - തമിഴ് സിനിമകളിലൂടെ ശ്രദ്ധിക്കപ്പെട്ട നടി അദിതി റാവു ഹൈദാരി മലയാളികള്ക്ക് പരിചിതയായത് സൂഫിയും സുജാതയും എന്ന ചിത്രത്തിലൂടെയാണ്. ജയസൂര്യയും ദേവ് മോഹനും പ്രധാന കഥാപാത്രങ്ങളായി എത്തിയ ചിത്രത്തിലെ ആദ്യത്തെ ആകര്ഷണം മിണ്ടാപ്രാണിയായ സുജാത തന്നെയായിരുന്നു.
സൂഫിയെ പ്രണയിച്ച സുജാതയെ 2020 ല് പ്രേക്ഷകര് അത്രയധികം ആഘോഷിച്ചിട്ടുണ്ട്. സുജാതയായി എത്തിയ അദിതിയുടെ പുതിയ ചിത്രങ്ങളാണിപ്പോള് വൈറലാവുന്നത്. ജ്വവല് ബ്ലൂ നിറത്തിലുള്ള വസ്ത്രമാണ് അദിതി ധരിച്ചിരിയ്ക്കുന്നത്. ഈ നിറം തനിക്ക് ഇഷ്ടപ്പെടാനുള്ള കാരണം വ്യക്തമാക്കിക്കൊണ്ടാണ് അദിതി ചിത്രങ്ങള് പങ്കുവച്ചിരിയ്ക്കുന്നത്.
ചെന്നൈയില് ഈ നിറത്തിന് പറയുന്നത് എംഎസ് ബ്ലു എന്നാണ്. എംഎസ് സബ്ബലക്ഷ്മി അധികവും ധരിക്കുന്ന കാഞ്ചീവരം സാരികളുടെ നിറം ഈ ജുവല് ബ്ലൂ ആയിരുന്നു. ഈ നിറം തന്നെ വേണം എന്നില്ല, അദിതി എന്ത് ധരിച്ചാലും സുന്ദരിയായിരിക്കും എന്നാണ് ആരാധകരുടെ കമന്റുകള്.
ജയസൂര്യയുടെ നായികയായിട്ടാണ് മലയാളികള് അദിതിയെ ഏറെ ശ്രദ്ധിച്ചത് എങ്കിലും, അദിതി രവി കരിയറില് ഏറ്റവും ആദ്യം ചെയ്തത് മമ്മൂട്ടിയുടെ പ്രജാപതി എന്ന ചിത്രമാണ്. ബോളിവുഡ് മോഡലായിട്ടും അദിതിയ്ക്ക് ഒരു തുടക്കം കിട്ടിയത് മലയാളത്തിലാണ്. സാവിത്രി എന്നായിരുന്നു കഥാപാത്രത്തിന്റെ പേര്
