തൃശൂര്: തൃശൂരിലും ദൈവത്തിന്റെ മതചിഹ്നംവച്ച് തെരഞ്ഞെടുപ്പ് പ്രചാരണം നടത്തിയെന്ന് പരാതി. തൃശൂര് പാര്ലമെന്റ് മണ്ഡലം എല്.ഡി.എഫ്. സ്ഥാനാര്ഥി വി.എസ്. സുനില്കുമാറിനെതിരേ പെരുമാറ്റച്ചട്ട ലംഘനത്തിന് കെ.പി.സി.സി വര്ക്കിങ്ങ് പ്രസിഡന്റും എം.പിയുമായ ടി.എന്. പ്രതാപന് ചീഫ് ഇലക്ടറല് ഓഫീസര്ക്ക് പരാതി നല്കി. തൃപ്രയാര് ക്ഷേത്രത്തിന്റെയും തൃപ്രയാര് തേവരുടെയും ചിത്രമുള്ള ഫ്ളക്സ് ബോര്ഡ് നാട്ടിക നിയോജകമണ്ഡലത്തിലെ ചാഴൂര് ഗ്രാമപഞ്ചായത്തിലെ ഒമ്പതാം വാര്ഡില് 87-ാം ബൂത്ത് ചിറയ്ക്കല് സെന്ററില് സ്ഥാപിച്ചതിനെതിരേയാണ് പരാതി നല്കിയത്. മതസ്ഥാപനങ്ങളുടെയും മതചിഹ്നങ്ങളുടെയും ചിത്രം തെരഞ്ഞെടുപ്പ് പ്രചാരണങ്ങള്ക്ക് ഉപയോഗിക്കുന്നത് പെരുമാറ്റച്ചട്ട ലംഘനമാണ്. അന്വേഷണം നടത്തി ചട്ടം ലംഘിച്ചവര്ക്കെതിരേ നടപടി സ്വീകരിക്കണമെന്ന് പരാതിയില് ആവശ്യപ്പെട്ടു. ജില്ലാ ഇലക്ഷന് ഓഫീസര്കൂടിയായ ജില്ലാ കലക്ടര് വി.ആര്. കൃഷ്ണതേജയ്ക്കും പരാതി നല്കിയിട്ടുണ്ട്.
